Rachelle wagi na naman sa UK!
MANILA, Philippines - Gumawa na naman ng ingay ang singer and theater actress na si Rachelle Ann Go sa United Kingdom.
Waging Best Performance of a Song si Rachelle nito lamang June 24 sa 2016 West End Frame Awards sa sarili niyang rendition ng kantang I Dreamed A Dream sa musical na Les Miserables.
Tinanggap ni Rachelle ang award mula sa isang British website called West End Frame na kilalang nangungunang theater website sa UK.
Nakatanggap ng 32% si Rachelle sa 15,000 votes na natanggap ng West End.
Pumangalawa lamang sa kanya ang British theater actor na si Matt Corner sa rendition nito ng kantang Can’t Take My Eyes Off You.
Nag-congratulate pa kay Rachelle si Matt sa kanyang Twitter account at sabi nito, “Thanks to everyone who voted! and congratulations to@gorachelleann and everyone who was nominated”
Nagpahatid din ang ibang runner up ng congratulations message gaya ni Oliver Savile, “Congratulations @gorachelleann winning @West_End_Frame#BestPerformanceofASong i’m happy with 3rd in this line up!”
Ang reaksiyon ni Rachelle sa kanyang pagkapanalo, “Wow! Thank you West End Frame! I’d like to thank all those who voted for me. It’s an honour to be performing and appreciated here in beautiful London’s West End. I owe this great award to you, guys!
“And to the whole Les Miserables company, thank you for being so amazing and for all the support and encouragement! What a dream come true to be part of this phenomenal long running show. I am so blessed! Cheers!”
Pinasalamatan din ni Rachelle ang kanyang fans sa kanyang Twitter, “Thank you very much! I feel all your love”.
- Latest
