Bunsong kapatid ni Nora tuluyan nang binawian ng buhay!
Dumating na ang isa sa kinatatakutan ni Nora Aunor – ang pagyao ng bunsong kapatid na si Eddie Boy “Buboy” Villamayor.
Namatay ang dating aktor kahapon nang umaga at nabasa namin ang post ng pinsan niyang si Lala Aunor. Sinundan ito ng retired veteran movie reporter na si Baby K. Jimenez at naglabas pa ng lumang pics kung saan nandoon si Buboy.
Matagal nang nakaratay sa karamdaman si Buboy ayon na rin sa Ate niyang si Nora. Isiniwalat niya ang kalagayan ng kapatid nu’ng presscon ng movie niyang Whistleblower.
Ang isa pang namatay na personalidad na hindi artista pero bahagi rin ng showbiz ay si Ruby Bustamante. Nakilala namin siya bilang isa sa assistants ni Veanna Fores nu’ng nagma-manage pa siya ng artista. Siya rin ang nilalambing ng press kapag gusto nilang makapanood ng shownoon sa Araneta Coliseum.
Ang aming pakikiramay kay Ate Guy at sa naiwan ni Miss Ruby… (Nakikiramay po kami sa mga naiwan nina Mr. Buboy at Ms. Ruby. – SVA)
AiAi interesado sa school ng mga aso!
Kailan lang nalaman ni AiAi delas Alas na may school para sa mga aso dahil na rin sa Google. Sa post ni Ai, ‘yung eskuwela na ‘yon para sa mga aso ay para i-train sila na maging behave at mag-toilet para hindi dumumi sa loob ng bahay.
May mga aso noon si AiAi pero madalas niya itong ipamigay dahil hindi niya naaasikaso dahil sa trabaho.
So nanawagan siya sa may-ari ng aso na dalhin nila ito sa school ng isang Carlo Gomez upang ma-train. Pero apat daw ang magkakapatid na nagtuturo sa mga aso. Taga-Marikina Tierra Vista at sa phone number na 0916 514 6403 ay hanapin si Ina.
Ang isang trabahong tinatapos ni AiAi ang indie movie na Area at sa cast, siya lang talaga ang pinakamalaking artista, huh! Katatapos din niyang mag-shoot ng bagong version ng TV commercial ng produktong mahal na mahal siya.
Aktor pinalitan sa kanyang pelikula
Mukhang iniwan na rin ng isang producer ang isang aktor na kinabibiliban niya pagdating sa ibang klase ng estilo ng pag-arte nito.
Binalak kasing gawan ng produ ng solo movie ang aktor. Maganda ang kuwento at premyado ang director na hahatak. Pero hindi agad nasimulan ‘yon.
Eh may dumating pang problema na sangkot ang aktor. Tuluyan nang nawalan ng balita sa pet project na ‘yon ng director at producer. Mukhang nawalan ng gana na ang producer na gastusan ‘yon.
Pero marami ang nagulat nang mabalitaan nilang na-resurrect ang proyektong ‘yon ng aktor, huh! ‘Yun nga lang, iba na ang producer nito at hindi na ang unang producer na aming tinutukoy.
- Latest