Boy Abunda hindi kumbinsido, Jason pumiyok sa paghihiwalay nila ni Melai!

Itinanggi na ni Jason Francisco ang kumalat na spekulasyon na hiwalay o may pinagdaraanan sila ng asawang si Melai Cantiveros dahil na rin sa mga post nila sa kanilang joint Instagram account last Wednesday na tila nagpapahiwatig na something’s going wrong sa pagsasama nila.

Ayon sa VTR interview ni Jason na lumabas sa Tonight With Boy Abunda, na-hack daw ang kanilang account at wala raw katotohanan ang ispekulasyong naglalabasan.

“Nawala po ‘yung account,” aniya.

Ayon pa sa aktor, wala raw dapat ikabahala ang Melason fans.

“Melason, huwag kayong mag-alala, okay na okay po kami ni Melai,” say pa ni Jason.

Pero kapansin-pansin sa naturang pana­yam na matipid ang mga pahayag ni Jason at ni halos ayaw mag-elaborate. Maraming beses na na­ming na-interview ang aktor at kilometriko lagi ang mga sagot niya sa mga katanungan.

Of course, we could only wish na sana totoo ang sinabi niya na okay na okay sila ni Melai. Sabi nga ni Kuya Boy, normal naman sa mag-asawa ang nagkakaroon talaga ng problema at ang importante ay willing silang ayusin ito.

Ayon pa kay Kuya Boy ay may mga source rin siyang nagsasabi na talagang may problema ang mag-asawa.

“Jason, I know, that even if you deny, and that’s a gentleman’s way of handling this problem, may mga nagsasabing “yes, they’re going through certain problems”. Whatever they are, whether it has something to do with work or personal, kahit ngayon lang, sa pagkakataong ito, stop expressing your feeling sa social media dahil ang hirap bawiin.

“Sana nga, na-hack lamang and I will not also discount that possibility but according to sources ay mayroon daw talagang problema, because you can’t fake halimbawa, ‘yung kalungkutan ni Melai sa set ng Magandang Buhay, and all these pronouncements about the relationship being over,” pahayag ni Kuya Boy.

Ang payo ng King of Talk sa dalawa, “your love should be bigger than your problems and for as long as there is love, fight for it.”

Kris nagpasalamat sa pagkapanalo ni Leni

Kahit nasa bakasyon ay nagpahatid ng pagbati sa kanyang Instagram account si Kris Aquino para sa pagkakapanalo ni Leni Robredo bilang bise presidente ng ating bansa.

As we all know, opisyal nang nagsara ang counting last Friday night and Leni Robredo won by a slim margin over Bongbong Marcos.

Sa kanyang IG account ay nag-recall si Kris Aquino kung paano niya nakilala si  Leni at kung bakit niya ito sinuportahan.

“A friend told me- Kris, wag mo naman itaya ang lahat, paano kung matalo si Leni? I smiled in reply & said marami kaming kakampi sa la­ngit. Happy Birthday Sec. Jesse!

“@lenirobredo said in her speeches, Sec. Jesse was my friend, we only met later. I asked her for a pic for IG posting du­ring PNoy’s birthday.

“I called my cousin @bamaquino & volunteered to shoot an endorsement for Leni. We shot March 15 at their home.

How heartwarming to have gotten to know Aika, Tricia & Jillian. Apart from my MOM,@lenirobredo is my IDOL when it comes to being the BEST MOM.

“In her I saw calm intelligence with sincere humility, a sense of humor, & a life’s purpose of true public service. #LifeGoals

“May 3 was my last sorties w/ her in QC- thank you VM Joy Belmonte for producing them in 12 hrs. She was #1 that day in surveys & I asked- did she feel like a winner? She said the surveys were the sign she prayed for.

“Thank you to 14,418,817 Filipinos who voted LENI! Yes, for me this fight was personal- IT WAS FOR MY MOM’s MEMORY. Kaya binigay ko ang lahat for VP Leni- ganun ako pinalaki, nakikipaglaban ng buo ang puso!

“Thank You God for answered prayers! CONGRATULATIONS to my VP, my inspiration! #LabanLenI,” ang mahabang post ni Kris.