Sam willing kayang mabahiran ni Kiray?!

Jackpot pa rin ang turing ni Kiray Celis sa sarili, although, at 19, nananatili pa rin siyang loveless. Kaya, tulad ng sabi niya, ‘nganga’ pa rin siya this Valentine’s Day.

But who really cares, when she just signed up for a five-picture contract with Regal Entertainment, produced of her soon-to-be released movie, Love is Blind, co-starring her with Derek Ramsay at Solenn Heussaff?

Malaki at matindi raw ang contribution ni Kiray sa movie, para i-predict this early that, like Regal Entertainment’s Metro Manila Film Festival (MMFF) entry, Haunted Mansion, which was adjudged fourth top grosser, magiging box-office rin ang Love Is Blind.

Sa recent premiere ng Love is Blind, pinaka-hilarious daw ang mga eksena ni Kiray. At natural na natural daw ang pag-arte niya.

Kaya naman daw, this early, Roselle Monteverde, Mother Lily’s second daughter at siya nang bale namamahala ng Regal Entertainment, is cooking up a movie which Kiray will top bill.

Asked si Kiray whom she wants to play her leading man in the mo­vie, ang biglaan at maliksing sagot niya, “si Sam Milby.”

Ngayon, ang tanong: “ ano’ng say mo, Sam?”

Speaking of Sam, he is currently busy sa kanyang ongoing series na Doble Kara, aired weekdays, after It’s Showtime, on ABS-CBN.

Doble Kara co-stars Sam with Julia Montes, who plays a dual role, Maxene Magalona, Carmina Villaroel, Alicia Alonzo, Mylene Dizon, at Edgar Allan Guzman.

Kasama rin si Sam sa cast ng upcoming teleserye, Written in Our Stars, co-starring him with Piolo Pascual, Toni Gonzaga, Jolina Magdangal, and Sarah Lahbati.

Rochelle ipinagdarasal na lang si JM

Wala pang ideya si Rochelle Pangilinan na may ‘pinagdaraanan’ si JM de Guzman, with whom she worked with in the soon-to-be released indie movie, Tandem.

Behaved naman daw kasi si JM all throughout the shooting of Tandem.

In fact, hangang-hanga raw siya sa performance nito, as one of two bro­thers, who are hold uppers, na madalas nakasakay sa motorsiklo in tandem.

Nico Antonio plays JM’s brother. At si Rochelle naman ang gumaganap na asawang buntis ni Nico.

Of course, in real life, hindi pa nararanasan ni Rochelle ang magbuntis, since wala pa nga siyang asawa, although may boyfriend siya na nag-aartista rin.

Napanood na raw niya ang pelikula at gandang-ganda nga raw siya. No wonder daw that the film got an A rating from the Cinema Evaluation Board (CEB).

On JM, ani Rochelle, she will pray na kung anumang problemang ‘pinagdaraanan’ nito ay nabigyan solusyon din mismo ni JM.

Ian gusto pang umulit kina Jodi at Angelica

Isa sa eksenang tiyak na walang kurap na pa­no­noorin ng mga sumusubaybay sa malapit nang matapos na series produced by Star Creative, Pangako Sa ‘Yo, ay ang rebelasyon na hindi talaga magkapatid sina Angelo at Ynah (performed by Daniel Padilla and Kathryn Bernardo), since ang tunay ni Angelo ay si Alex Medina.

Ayon din mismo kay Ian Veneracion, who plays Eduardo, na all the while ay pinapaniwala ni Claudia (Angelica Panganiban) na anak niya si Angelo, ay impressed din siya on how the problem was resolved. Talagang napakagaling daw ng mga tao behind the production. Lalo na si Direk Dado Lumibao.

Kaya, pakiusap daw niya kay Direk Dado; “Huwag n’yo akong kalimutan sa next project niyo.

“And, if possible, leading ladies ko uli sina Jodi (Sta. Maria) at Angelica.”