Kahit maraming nabiktimang katrabaho Kris mas inisip ang sugat kay Herbert kesa sa MMFF

May bago na namang update/issue sa Metro Manila Film Festival entry ng Star Cinema na All You Need is Pag-ibig na pagbibidahan sana nina Kris Aquino, Quezon City Mayor Herbert Bautista, Xian Lim and Kim Chiu.

Kung nagpapalit-palit na ng title at casting ang movie, this time, ang bidang si Kris naman ang nagba-back out base na rin sa kanyang Instagram post last Wednesday.

Napansin na ng mga followers niya na may problema nang unang mag-post si Kris expressing her disappointment na hindi pumuwede ang ni-request niyang cinematographer because of scheduling conflict.

Saad ni Kris, sa pagtanggap niya ng pelikulang ito (without mentioning kung anon’g movie), alam niyang magbubukas muli ang naghilom na sana niyang sugat.

“In tackling this movie, I was taking the leap of faith of reopening already healed wounds - until I realized tonight, what for?” saad niya sa IG post. 

“Simpleng alaga lang sana sa isang project w/ a pressure packed timeline... It just didn’t fall into place. And I know enough to prioritize taking care of me... That’s why I choose to walk away. And put myself first, not because I want to be difficult, but simply because I’ve earned the privilege to say NO w/ courage & dignity. 

Good Night. THE END,” ang huling bahagi ng post ni Kris.

Dito pa lang ay marami na ang nag-assume na nagba-back-out na si Kris sa MMFF movie at marami nang fans niya ang nag-comment na inirerespeto nila ang kanyang desisyon but at the same time ay nanghihinayang din.

Kinagabihan ng Wednesday ay nag-post ng panibagong mensahe si Kris, this time ay hu­mihingi na ng sorry sa head ng Star Cine­ma na si Malou Santos, creative writer na si Kriz Gasmen at direktor na si Antoinette Jadaone.

With a quotation picture na nagsasaad ng “I’m a jerk. I’m sorry”, say ni Kris sa kanyang caption, “This post is for@malousantos03, @krizgazmen & Direk@tonet_jadaone... I’m sorry for the stress I put you through, the many wasted hours working on the project, and all the effort you exerted... I was wrong to commit to something that in all honesty, I am emotionally, physically & mentally not ready for... #hiyanghiya #IAmSorry.”

Nakibalita kami kung ano ang reaksyon ng Star Cinema tungkol dito at ang tsika sa amin, inaayos pa raw ang problema kaya for now, hindi pa rin masasabing kumpirmadong out na nga si Kris dahil baka naman mahilot pa siya.

Worst scenario na pwedeng mangyari ay mag-back-out ang Star Cinema at hindi na ito isali sa MMFF or palitan na lang si Kris. Sayang naman kung ganu’n.

In fairness, may mga nag-aabang na rin ng pelikulang ito since first movie ito nina Kris at Bistek plus isinama pa ang KimXi. Panalo na sana ang casting, pero hayan nga’t mukhang maiiba na naman.

Pink Filmfest dinagsa

Speaking of QC Mayor Herbert B., opisyal nang nagbukas last October 6 ang kanyang QC International Pink Film Festival project sa Gateway Cinema in Araneta Center.

Ang ilan sa mga pelikulang ipalalabas ay winners ng Berlin Film Festival’s Teddy Awards na isang international film award for films with LGBT (lesbians, gays, bisexuals, transgender) topics. Kabilang na dito ang El Hombre Nuevo, winner of Best Documentary award na pelikula tungkol sa isang Sandinista child soldier in Nicaragua na later ay naging transgender.

Say nga ng festival director na si Nick de Ocampo, talaga raw magaganda ang line-up ng mga LGBT films na ipalalabas sa QCIPFF this year.    

Ang Special Jury Award winner din na Stories of Our Lives ay mapapanood together with films from USA, Taiwan, Kenya, Israel, Honduras, Spain, Holland among others. Sa local films naman ay kasama ang Esprit de Corps, Esoterika Maynila, I Love You Thank You, Pinoy Transking at ang mga short films na Julie from Cebu and the Fil-Am film, Shunned.

Ang Teddy Best Film winner naman na Nasty Baby from USA ang magsisilbing closing film sa pagtatapos ng festival on Oct. 11.