Kasalang Vic at Pauleen, 50 lang ang invited!
Patalbugan ng mga engagement ring sina Cristalle Belo at Pauleen Luna.
Parehong eye blinding ang mga diamond engagement ring ng dalawa ‘ha?
Sa itsura pa lang ng kanilang mga singsing, confirmed na talagang gumastos ang mga fiancée nila na pinaligaya sila nang todo.
Hindi pa sinasabi ni Cristalle ang altar date nila ni Justin Pitt at tikom pa ang bibig ni Pauleen tungkol sa wedding day nila ni Vic Sotto pero binanggit na niya sa akin na fifty guests lamang ang mga imbitado.
Male starlet na trying hard sumikat, buking na mastermind ng sariling fake scandal!
Cheap ang gimmick ng male starlet na hindi na sisikat dahil hindi niya taglay ang X factor kaya gumagawa siya ng sariling isyu para mapag-usapan.
Ang kaso, buking ng fans na siya rin ang source ng mga fake scandal na ibinibintang sa kanya. Pinagtatawanan ang male starlet na forever nang nameless at hindi na aabante ang showbiz career dahil punumpuno siya ng katsipan sa katawan.
Rap tuloy ang paghahanap sa naka-discover kay Daboy
Hinahanap pa rin Rap Fernandez ang direktor na si Deo Fajardo para sa documentary movie na binubuo niya.
Tungkol sa buhay ni Rudy Fernandez ang documentary film at hindi puwedeng wala si Deo dahil siya ang discoverer ni Daboy.
Pero very elusive ngayon si Deo dahil hindi na siya nakikita sa mga showbiz gathering at walang nakakaalam sa kinaroroonan niya.
Importante na makasali si Deo sa documentary movie dahil malaki nga ang kinalaman niya sa showbiz career ni Daboy.
Si Deo rin ang discoverer ni Robin Padilla na kamag-anak naman ni Rudy.
Wish ko lang, pumayag na si Deo na magpainterbyu para matapos ang special project ni Rap na may deadline na hinahabol.
My Fair Lady ni Jasmine, sosyal ang presscon
Invited ako sa presscon kahapon ng My Fair Lady pero hindi na ako pumunta dahil ayokong ma-trauma sa grabeng trapik sa EDSA.
Ang My Fair Lady ang bagong television show ng TV5 na pinagbibidahan nina Vin Abrenica at Jasmine Curtis-Smith. Sosyal ang presscon ng My Fair Lady dahil ginanap ito sa isang sosyal na hotel sa Makati City.
- Latest
