Career ni Kathryn delikado na kay Nadine

MANILA, Philippines – Malaking pagkakahawig nina Katryn Bernardo at Nadine Lustre na bida sa On the Wings of Love with James Reid. Naku, kailangan pang magpasiklab ni Kathryn, dahil kung hindi, siguradong masasapawan na siya ni Nadine na magaling ding umarte, ha!

Mahirap nang maagaw pa ang korona sa ABS-CBN pagdating sa mga teleserye.

Sina Nadine at James nga ay muntik na ring magbida noon sa GMA-7, pero nauna ang Kapamilya network na mag-offer ng break sa kanila. Maswerte talaga sina James at Nadine, dahil ‘di ba nga, sa ibang bansa pa syinut ang On the Wings of Love, bongga!

AiAi bagay maging nanay ni Yaya Dub

May narinig kami, mahigpit na magkalaban sina Betong at Michael V bilang tunay na ina ni Yaya Dub! Sabi naman ng iba, sana raw si AiAi delas Alas na lang para totoong nanay ni Yaya Dub, dahil isa siyang babae na komedyana din. Hindi ba Ms. Malou P.?

Rodjun mas sikat na sa kapatid na si Rayver?!

May mga conservative fans si Rodjun Cruz na nagpapasalamat dahil hindi natuloy ang kissing scene niya with Paolo Contis sa isang episode sa Magpakailanman.

Baka raw bumuka kung natuloy ang paghahalikan ng dalawang Barako.

Bongga ang career ngayon ni Rodjun, ha! Sunud-sunod ang raket niya at parang natalbugan na niya  ang kapatid na si Rayver Cruz na puro pagsayaw lang ang ginagawa! Mukhang inspired sa kanyang pag-arte si Rodjun, dahil kaya ito kay Dianne Medina na seven years na niyang girlfriend?

Veteran actress na si Perla Bautista, nakalimutan sa billing ng Heneral Luna

May nakapansin, mukhang nakalimutan na naman daw sa billing ang name ng premyadong aktres na si Perla Bautista sa pelikulang Heneral Luna na pinagbibidahan ni John Arcilla.

Si Perla ang gumanap bilang si Doña Josefa Aguinaldo pero bakit ganun, palaging naaapi ang beauty ni Perla?

Child actor na si Miggs inihagis ng malakas ni Joko!

Muntik na palang maospital si Miggs Cuaderno sa isang eksena sa Destiny Rose kung saan bida si Ken Chan. Si Miggs kasi ang gumaganap bilang young version ni Ken sa teleserye, directed by Don Micheal Perez.

Hindi raw sinasadyang napalakas ang hagis ni Joko Diaz na gumaganap na ama ni Miggs. Kaagad naman siyang inakay ni Joko, at sinabing nadala lamang siya ng kanyang emosyon sa pag-arte. Suklam na suklam kasi si Joko sa eksena sa bata dahil maaga pa eh, may senyales na ng kabaklaan. Hindi pa ipinalalabas ang Destiny Rose.

Empoy wais pagdating sa pera

Nakita namin ang komedyanteng si Empoy Marquez ng TV5 na bumibili ng furniture sa Ate Mel’s Furniture house sa Poblacion Bustos, Bulakan.

Nagpapalit daw siya ng bagong muweles para sa kanilang bahay sa Baliuag. Masinop si Empoy at hindi bulagsak sa kinikita niyang pera sa pag-aartista. Bread winner kasi si Empoy sa pamilya.