Pero civil na raw sila Claudine duda pa sa pagbabati nila ni Marjorie!
Sa exclusive interview ni Boy Abunda kay Claudine Baretto na inere last Sunday ay isa sa napag-usapan ang tungkol sa pagbabalik sa showbiz ng aktres.
Ayon kay Claudine ay napagdesisyunan daw nila na ang comeback project niya ay pelikula na muna.
“Kasi ang last ko, In Your Eyes, and also to test the waters kung may market ka pa, ‘di ba? And then saka na ‘yung teleseryes, so we’re doing two movies,” pahayag ni Claudine.
Ang isang movie na gagawin niya ay ang Pinilit Kong Limutin Ka na ididirihe ni Wenn Deramas at excited na raw siya.
Natanong din si Claudine kung ano sa mga pelikula niya ang gusto niyang i-remake ng pamangkin niyang si Julia Barretto.
“I told Direk Wenn and I told Tita Malou Santos, I would really like Julia to do Dahil Mahal Na Mahal Kita. And then, ako si Jaclyn Jose na mas pinalakihan ‘yung role, and of course, I would also like her to do Saan Ka Man Naroroon or Sa Dulo Ng Walang Hanggan.”
Ayon pa kay Claudine, of course ay willing daw siyang makatrabaho ang kanyang pamangkin. When asked kung nagkaayos na sila ng kapatid na si Marjorie Baretto, say ni Claudine ay hindi pa rin daw niya alam kung nasaan sila ngayon at this point. Pero safe raw na sabihin na civil sila.
Sa debut ni Julia kung saan dumalo nga si Claudine, nagbatian naman daw sila at nagbesohan.
“Nagbeso ako, ‘tapos sabi niya, ‘Thank you for coming, it means so much to Julia and to me.’ And then I said, ‘Thank you for inviting me.’
“‘Pag dumadaan siya sa likod ko, she’d ask me, ‘Did you eat na?’ and ‘What do you want to drink?’ ‘Yun, nakikita mo ulit yung pagka-ate niya, alam mo ‘yun?
“Pero parang natatakot ako mag-dive dun sa gano’n... kasi baka maulit, baka mawala ulit,” say ni Claudine.
The next day after the debut ay nag-breakfast daw sila together.
Napag-usapan din ang estranged husband niyang si Raymart Santiago, ang mga pamangkin ni Claudine kay Marjorie na sina Dani, Leon and Claudia, pero ang hindi talaga napag-usapan ay ang isa pa niyang ate na si Gretchen Barretto.
Pre-nuptial agreement walang saysay
Aminado si Toni Gonzaga na napaisip din daw siya talaga kung dapat ba silang magkaroon pa ng pre-nuptial agreement ng fiancé na si Paul Soriano.
“Nung itanong sa akin ‘yan, saka ako napaisip, “magpe-prenup ba? Dapat ba may ganu’n talaga?” Kasi, iniisip ko naman, hindi naman ako mga Zobel, hindi naman ako Ayala to prenup, normal lang naman ako, kung ano naman ‘yung meron ako, pinaghirapan ko.
“And siguro, ang program ko kasi sa pag-aasawa, once you get into a relationship and once you get into the commitment na you wanna be together forever, you will try your very best to make it work.
“So, ‘yung sa akin, kasi ‘pag nagpe-prenup ka, parang in the long run, iniisip mo na “kasi baka in the future maghiwalay kami, so kailangang sa akin ‘yung pera ko”, ‘yung security mo, nasa pera, wala du’n sa tao.
“So I’d rather put my faith in God and the person I’m marrying and of course, pray that it will work forever,” sabi ni Toni.
At never daw naman nilang napag-usapan ni Paul ang bagay na ito.
“Hindi ko nga naisip ‘yun, eh,” say ni Toni.
Pero in Paul’s past interview, natatandaan naming nabanggit niya ang lahat ng pera ni Toni noong dalaga ay hindi niya kukunin at kung anuman ang gustong gawin ng girlfriend, ibigay man sa pamilya lahat or kung saan man gastusin ay okay sa kanya dahil kaya naman daw niyang buhayin si Toni.
- Latest
