Nikki at Billy nag-iiwasan pa rin

Naiiba ang paglu-launch ng ATC Healthcare na may campaign na I’m the Boss of My Health Because Health is a Choice. Nagbigay kasi ng musical numbers ang tatlong napili nilang celebrity ambassadors bago sila in-interview at nagkaroon ng contract signing. Nikki Gil endorses Reducin, si Iya Villania-Arellano, ang Redox Fat at si Jackie Rice ang Robust, kasama si Broadcaster Raffy Tulfo. Si Amy Perez naman ang nag-endorse ng Strike, ang multi-insect killer spray. May iba pang products ang ATC na mga food supplements na tulad ng LiverMarin, Ginkgo Biloba, Garlic Oil, Grape Seed Oil, Fish Oil. Present din sa launch si Korina Sanchez na sinuportahan ang inaanak sa kasal na may-ari ng ATC, si Albert T. Chan.

Sa open forum, inamin ni Nikki Gil na may non-showbiz boyfriend na siya at ayaw niyang ipakilala dahil gusto na niyang maging private ang kanyang lovelife.  Isa pa, hindi raw naman mahilig sumama sa showbiz events ang boyfriend niya. Wala naman daw siyang regret kung naging open siya sa una niyang relasyon, pero past na raw iyon at kung hindi man nagtuloy ang relasyon nila ni Billy Crawford, alam daw niyang may reasons kaya nangyari iyon. Pero since their break-up, at kahit magkasama pa rin sila sa ABS-CBN, never pa raw silang nagkita o nagkaharap. Sa ngayon, binalikan niya muli ang recording after four years at may new album siyang iri-release ng Universal Records by January 2015. Na-excite rin siya nang makasama sa My Big Bossing at makatrabaho for the first time si Bossing Vic Sotto for the coming Metro Manila Film Festival (MMFF).

Iya at Drew parang nagbabahay-bahayan lang

Patuloy palang bina-bash si Iya Villania sa paglipat niya mula sa ABS-CBN to GMA Network, pero hindi na raw niya ito pinapansin. Mas gusto raw niya ang may work kaysa maghintay sa wala.  When asked tungkol sa pagsasama nila ngayon ni Drew Arellano after ng kasal nila, sobrang saya raw niya at may new energy siyang nararamdaman dahil para lamang silang nagbabahay-bahayan ng asawa. Regularly siyang napapanood sa Sunday All Stars at hindi raw malayong magkaroon na rin siya ng soap sa network. Pero no worries siya dahil makakatulong sa kanyang pagtatratrabaho ang ini-endorse niyang Redox Fat para ma-maintain niya ang kanyang desired weight.