Solenn na-stress kay Juday!
Aminado si Solenn Heussaff na sobrang intimidated siya kay Judy Ann Santos sa pelikulang T’yanak. Sey nga niya, nang makausap namin siya sa solo pocket presscon niya kahapon, hanggang sa matapos ang film sa tuwing may eksena sila together ay lagi siyang kinakabahan.
“Actually, the first time nu’ng sinabi nila na si Juday ang kasama ko, sabi ko, “how am I gonna be at par with her,” kasi alam kong sobrang galing siya and everything and seeing her work kahit sa unang eksena namin, parang she’s into character so fast, hindi niya kailangang mag-focus for the switch, may switch siya,” kwento ni Solenn.
“At super takot na takot ako sa umpisa, actually everyday, takot na takot ako ‘pag may scene with her, kasi she’s just so. . .parang ibang level siya. I’ve worked with a lot of talented actresses pero para sa akin, by far, siya ‘yung pinaka-up there.
“Tapos, super-normal siya, super-bait, super ‘pag hindi siya nasa take, she just tells us stories, ‘yun lang,” papuri pa ni Solenn kay Juday.
Sobrang intimidated daw siya to the point na talagang sinabi niya raw sa direktor nilang si Peque Gallaga.
“Sabi ko kay Direk Peque, sobrang hindi ako sure of myself, alam ko na I’m still learning as an actress, ganu’n, tapos they’re gonna pair me with Judy Ann Santos na super-magaling.
“Tapos ‘yung roles namin is parang ‘yung pinakadalawang karakter are hers and mine, so kung medyo off ako, magiging pangit ‘yung relationship or ‘yung movie, so super stressed ako everyday. So, sinabi ko ‘yun kay Direk.
“So direk brought her to a room, tapos parang he told me to tell her, “how do you feel about her?”, parang ganu’n. So, siyempre, akward akward ganu’n,” kwento niya.
Nakapag-open up naman daw siya kay Juday at pinayuhan siya nitong huwag mag-worry at huwag kabahan.
“Sabi niya, “I’ll help you, don’t worry, don’t think about anything else, I’ll help you”, ganu’n.”
After that ay mas naging kumportable siya pero talagang hindi pa rin niya maiwasan ang takot lalo pa nga’t ang dami niyang crying scenes. Kaya ‘pag may mabigat daw siyang eksena, super-emote siya maghapon at ni hindi siya makausap para lang magawa niya nang maayos ang kanyang trabaho.
Pero dahil nga half-French si Solenn at nag-aral sa Paris, wala raw siyang idea sa mga tiyanak at nalaman lang daw niya ang tungkol dito nang i-offer sa kanya ang film.
Humingi raw siya ng kopya ng original Tiyanak na ginawa rin ni Peque Gallaga at pinagbidahan ni Janice de Belen at pinanood niya plus nag-research daw siya tungkol sa mga tiyanak.
“Now, I’m more aware,” say niya.
Ang T’yanak ay ipalalabas sa SM Cinema from Oct. 29-Nov. 4.
Joey mas priority ang mga anak kaysa sa love life
Mabait ang role ni Joey Marquez sa seryeng Forevermore na pinagbibidahan nina Enrique Gil at Liza Soberano. Kaya biro niya, “oo, hirap na hirap nga ako, eh,” sabay-tawa.
Ginagampanan ni Tsong ang role na tatay ni Liza, isang mapagmahal at supportive na ama sa kanyang anak.
Actually, in real life ay responsable rin namang ama si Joey. Sa kanya nga raw nakatira ang lahat ng mga anak niya kahit professionals na ang ilan.
“Eh sabi nila, libre raw kasi sa akin, he-he-he,” sey niya.
Mga anak lang ang kasama niya at wala raw ibang babae. Five years na raw na zero ang kanyang love life at aminado naman daw siyang naghahanap din siya.
“Of course, naghahanap din kahit paano. Pero sabi ko nga, ang hirap kasing makakuha ng makakasama sa buhay na alam niyang second priority lang siya.
“Mga anak ko ang first priority ko. Parati kong sinasabi na “never compete with my children, you will lose,”’ say niya.
Nang sabihin naming si Alma Moreno ang kanyang greatest love ay hindi naman niya ito itinanggi.
“Oo, kasi pinakasalan ko siya, ‘di ba?”
Pero may asawa na raw na iba si Ness ngayon kaya mabuting magkaibigan na lang sila.
- Latest
