Miguel sarili ang gustong kalabanin

Kung si Direk Maryo J. Delos Reyes ang masusunod, gusto niyang mag-compete sa isa’t isa ang mga talents niyang sina Ruru Madrid at Miguel Tanfelix, kaya natuwa siya nang ang dala­wa ang ibinigay ng GMA Artist Center para gumanap sa episode na idinirek niya mamayang gabi sa Magpakailanman ni Mel Tiangco sa GMA-7 after ng dance show na Marian.  Titled Kalakal Boys: The Cedric Macdon and Joven Santos Story, gaganap na magkapatid na magrerebelde si Joven (Miguel) nang malaman niyang ampon lamang ang itinuturing na kapatid na si Cedric (Ruru), pagkatapos nalaman din niyang ampon din pala siya ng itinuturing nilang ina, si Leonida (Celia Rodriguez).

Si Ruru, ayaw daw niyang makipagkum­petensiya, mas gusto niyang sarili niya ang kumpetensyahin niya. Si Miguel naman, kung sa ikagaganda ng trabaho nila, healthy competition lamang iyon. Nakakatuwang kausap ang dalawang bagets, who just turned sixteen years old, nang tanungin sila kung sino ang mas magaling umarte sa kanila, dapat daw ay ibang tao ang magsabi, baka sabihing nagyayabang sila.  Sino ang ma-chicks sa kanilang dalawa, sagot agad ni Ruru si Miguel daw. Lately kasi, nali-link si Miguel kay Barbie Forteza pero hindi raw totoo dahil ma­ta­gal na niyang hindi nakikita si Barbie at ang halos araw-araw pa ring kasama niya ay ang ka-love team na si Bianca Umali.  Kagagaling nga lamang nila ng Bohol dahil doon sila nag-taping ng episode na First Dance, First Love ng Seasons of Love. At magkasama pa rin sila sa Ismol Family.

Wala namang nali-link kay Ruru kundi ang ka-love team din niyang si Gabrielle Garcia at ina­min niyang madalas silang kumain sa labas na sila lamang pero kapag nanonood sila ng sine, kasama nila ang older sister ni Gabbi.  Asked kung ano ang susunod nilang soap ni Gabbi, baka raw iyong Bebe Love na makaka-love triangle nila si Ashley Ortega na una silang nagkasama-sama sa My Destiny.

Pero pagdating sa crush, magkapareho sila, si Ma­rian Rivera. Natuwa si Miguel nang malaman ­niyang crush siya ng Kapuso Primetime Queen na kinikilig sa kanya noon sa Ma­rian.  Biro tuloy kay Miguel, paano kung mapaglihihan siya ng actress?  Biro rin ni Miguel, okey lang daw, iyong crush niya, kamukha niya ang anak.  Dream naman ni Ruru na makasama kahit sa isang soap lamang si Marian na napakabait daw at kapag tinext niya, sumasagot agad sa kanya.  Idol daw naman niya si Kuya Dingdong (Dantes) niya. 

Sina Ruru at Miguel daw ang susunod in line ng GMA Artist Center na maging prince of primetime, sana nga raw ay totoo, sabi ni Direk Maryo at alam daw niyang the two can live to their expectations.