Paano na ang MMFF? SPG nina Vice at Coco tumabo ng P75-M sa unang araw

Labis-labis ang pasasalamat ni Vice Ganda sa pagtabo ng movie nila ni Coco Martin na The Super Parental Guardians na nagbukas noong Miyerkules, Nov. 30.

Kahapon sa It’s Showtime ay tuwang-tuwang nagpasalamat si Vice sa lahat ng nanonood at nilinaw na ang unang lumabas na naka-68-M ang gross ng movie sa first day ay umabot pala sa P75-M dahil hanggang ala-una ng madaling-araw bukas ang sinehan.

“Kahapon nung alas-diyes (ng gabi) nag-announce na sila ng P68 million ang kinita na ng first day. Pero ‘yun pala, hindi nag last full show ng alas diyes ang mga sinehan; umabot ng ala una ng madaling araw. Kaya nung nagsara ay umabot ng P75 million ang first day,” pahayag ni Vice. Naging emosyonal naman si Vice nang ialay niya ang napakagandang resulta ng pelikula sa yumaong director na si Wenn Deramas na as we all know ay siyang direktor na nagpasikat sa komedyante.

“Lahat ng ito, lahat ng tagumpay na ito, lahat ng masayang pakiramdam na ito, I offer this to you Direk Wenn Deramas. I love you, I miss you and I just hope that you are seeing all these things happening right now and I hope that I’m still making you happy and proud,” naiiyak na sabi ni Vice Ganda.

Hindi rin nakalimutang pasalamatan ni Vice Ganda ang kanyang It’s Showtime family pati na rin ang kanyang Dreamscape family headed by Business Unit Head Deo Endrinal na siya ring manager niya.

“Sa Dreamscape family ko, kay Sir Deo Endrinal, maraming, mara­ming salamat. Kaninang madaling araw, pinuntahan niya ako kasi nababaliw ako, para akong sira-ulong nag-iiyak lang doon,” sey pa ng Unkabogable Box Office Star.

DIWA Rep. Emmeline Villar nananawagan sa mga artistang may Lupus na lumutang

Hindi pala biro ang hirap na pinagdaanan ng asawa ni Department of Public Works and Highways (DPWH) Secretary Mark Villar na si DIWA (Democra­tic Independent Workers Association) Representative Emmeline Aglipay-Villar sa kanyang sakit na Lupus na nagsimula noong dalaga pa siya.

Humarap sa press conference si Rep. Villar kahapon para sa kanyang itinayong foundation, ang Hope for Lupus na magkakaroong launching ngayong Dec. 4 at the Cultural Center of the Philippines.

Walang gamot sa sakit na Lupus at nakakamatay din ito pero si Rep. Villar ang living testimony na pwedeng maka-survive at bumuti ang kalagayan lalo pa nga’t may makabagong medicine na raw tayo dito.

“The reason why I started this advocacy for awareness about Lupus is because I have Lupus myself,” simula ni Cong. Villar.

Na-diagnose siya ng Lupus noong 2007, when she was 25 years old at talagang dumating sa puntong puro pantal ang kanyang buong katawan na napaka-painful daw, halos hindi na rin daw siya makalakad dahil namamaga ang kanyang mga tuhod pati na ang mga paa, baywang, at likod. Hindi siya makahiga, hindi makaupo nang maayos dahil masakit daw talaga. Pati mga daliri raw niya ay na-deform at hindi na rin siya makapagtrabaho.

“I started losing my hair. It started na kasing-laki lang ng pencil eraser na bilog-bilog. Then, it became like parang size ng cookies or size ng baso, then it became na magkakatabi na sila na ganu’n hanggang sa natira na lang sa hair ko, konting-konti na lang. I had to wear wig,” kwento niya.

Pati ang kidney at heart niya ay naapektuhan na at marami pang parte ng kanyang katawan. Pero dahil na rin siguro sa by nature ay isa siyang strong woman, she was able to cope with everything and live her life as normally as she can.

“Sabi naman ng doctor, it’s manageable. I just need to stay away from stress, that’s one, stay away from the sun, that’s another. ‘Pag na-expose ako sa sun, bumababa ‘yung platelet ko. Niloloko nga ako parati ni Mark na bampira raw ako,” kwento pa niya.

Right medication at healthy lifestyle raw ang ilan sa dapat gawin ng may sakit na Lupus at ito ang nais niyang ipaalam kaya itinatag niya ang Hope for Lupus.

“To raise awareness about Lupus, first is the identification of the diseases and for proper treatment of those who have it. Second is to provide support to people with Lupus and their families. And then, third is to help connect rheumatologists to family practitioners and barangay centers because usually, when people go to their family doctor or to the barangay health center, or even to the ER (emergency room), they can refer them to the right people.”

In the future ay balak din daw nilang tumulong sa pagpapaaral ng mga gustong maging rheumatologist dahil konti lang daw ang may ganitong propesyon dito sa Pilipinas.

“But our foundation is mainly for awareness about Lupus,” she said.

Sa showbiz ay wala pa raw siyang alam na celebrity na may Lupus na makakatulong pa sana lalo sa kanila to create awareness.

“I hope na nga someone who has Lupus would step up and help me in this advocacy because I really want to raise awareness about Lupus and I hope, if we get the funds, we can do massive campaign about it like on TV and social media,” she said.

Sa launching on Dec. 4 ay magkakaroon din daw sila ng exhibit entitled Lupus Warriors and a musical play entitled Mabining Mandirigma by Nicanor Tiongson in partnership with the University of the Philippines- PGH’s Rheumatology Department. All proceeds with be given to the Bridging Lupus Fun for the benefit of indigent lupus patients in PGH.