Banat ( Leaderboard Top ), pagematch: 1, sectionmatch: 1

Casino Femme "The Empowered Run" gitakda

CEBU, Philippines - Turno na sab sa Sugbu nga mo-host sa 2nd leg sa Casino Femme "The Empowered Run" series karong Domingo diha sa Parkmall carpark sa Mandaue City.

Gibahin sa upat ka dibisyon -- 10K ug 5K open, 3K ug 1.5K all-women, ang maong lumba namugna aron paghatag og bili sa papel sa mga kababayen-an sa pagpalambo sa atong komunidad.

Hinuon, si Analou Jundos, brand manager sa Casino Ethyl Alcohol, miklaro nga ang maong lumba bukas sab sa mga male runners agi’g suporta sa "Women Empowerment."

"We would like to empowered a female run, even if the run highlights women, we also encourage men to give their support by means of running," matud pa ni Jundos atol sa press conference kagahapon didto sa The Port Seafoods restaurant sa Waterfront Cebu-City Hotel and Casino.

Sa iyang bahin, bisan dunganan kini og laing tulo ka lumba, masaligon si race organizer Angel Dela Merced nga makuha nila ang target nga 1,500 runners.

Tungod kay finals sa National Milo Marathon karong Domingo, mawala sa eksena ang mga Sugbuanong elite runners, apan mopuli kanila ang mga running celebrity sama ni ex-PBB housemate Paul Jake Castillo uban sa iyang mga higalang artista ug ang mga maanyag nga kandidata sa Cebu Tropical Beauty pageant.

Niadtong buot mosalmot, ang registration fee nagkantidad og P250 alang sa 1.5K ug 3K, samtang P300 alang sa 10K ug 5K open.

Ang registration area nahimutang sa Cebu City Sports Center ug Runnr sa Ayala ug Parkmall. – BANAT NEWS

  • Follow Us: