Banat ( Leaderboard Top ), pagematch: 1, sectionmatch: 1

1st CGBL buksan karong Disyembre 5

CEBU, Philippines - Ang inaugural season sa Cebu Golden Basketball League (CGBL) pormal nga sugdan karong Sabado diha sa Inayawan Sports Complex, ning siyudad.

Ang CGBL, usa ka bag-ong grupo sa mga mahiligon og basketball nga nagpangedaron og 50-anyos ug pataas.

Sugdan ang torneyo pinaagi sa usa ka hamubong opening program sa ala-1 sa hapon sa dili pa ang duwa.

Unom ka teams ang mopakita'g aksiyon ning maong kompetisyon nga naglakip sa   Danao Ruby Star Basketball Association (DARUSBA), Los Amigos Basketball Association (LABA) gikan sa Mandaue, Better Run Basketball Association (BRBA) gikan sa Mambaling, Minglanilla Basketball Association (MIBA), Naga Above Forty Basketball Association (NAFBA) ug ang host-Power Forty.

Si Cebu City Vice Mayor Michael Rama, maoy pinasidunggang dinapit ug mamumulong. Si Inayawan Brgy. Capt. Rustom Ignacio maoy mohatag sa welcome address, samtang si tournament organizer ug founder Atty. Flor Yosores maoy modeklarar sa pormal nga pagbukas sa torneyo.

 Komposisyon sa DARUSBA nilang team managers Hon. Vice Mayor Boy Durano ug Boy Almagro mao sila si Joel Castañeda, Gine Cabahug, Maning Manulat, Nicky Boy Manulat, Nemie Manulat, Rowen Capoy, Tomas Almacen, Abner Deiparine, Perry Murillo, Dennis Batac, Fred Tapia, Jerry Lonzon, Rudy Castro ug Boy Almagro.

Ang LABA ni team manager Roger Butad gilangkuban nilang Roger Butad, Rudy Candelada, Dennis Patindol, Doydoy Rizane, Marlon Tangan, Rey Lopez, Joel Elumba, Celso Evangelista, Anselmo Companion, Dioy Colina, Rudy Unabia, Cyril Ortega, Jun Gabucan, Steven Seno, Cesar Lee, ex-Jaguar Pablo Yu ug Banilad, Mandaue barangay captain Glen Bercede.

Ang BRBA gilangkuban nilang Alex Albano, Rowel Sestoso, Dodoy Abellana, Tiloy Abanes, Dodong Lopez, Pablito Cabrera, Tito Mirasol, Ric Arias, Amay Ocanada, Tito Dimitiman, Chino Kalinga, Potenciano Ledesma, Doods Omega ug ex-Lancer ug kanhi coach Danny Duran.

Naglangkob sa MIBA ni head coach Corcordio Mejias ug sa iyang assistants nga sila si Ramsi Sayson ug Ranny Largo mao sila si Balbino Canada, Agapito Cabradilla, Raziel Adlawan, Judy Tan, Romeo Vasquez, Moncarlorie Cadiz, Jose Medalle, Joselito dela Torre, Roberto Campo ug Edgar Rivera.

Ang NAFBA ni team manager Al Aliganga ug coach Edgar Flores gilangkuban nilang Tony Diaz, Vic Baltazar, Celio Repuesto, Normie Panilag, Danilo Misa, Nestor Candia, Allan Vega, Ante Briones, Isidro Gentapa, Carding Dablo, Raul Barolabac, Jingjing Chiong, Rey de Gracia, Perlie Panilag ug Nick Ubas.

Ang Power Forty ni team manager Fidel Aloba ug Romy Rama mao sila Cesar Ortega, Michael Arias, Carding Vernaiz, Gideon Bughao, Ramon Ceballos, Gilber Gajudo, Boyro Bucao, Allan dela Rama, Jingjing Gacayan, Vestre Eleguin, Makong Lisondra, Tony Navares, Loloy Dejarme ug Atty. Flor Yosores.

Ang torneyo nga mosubay og single round-robin format gipaluyohan ni Inayawan Brgy. Capt. Rustom Ignacio, Coca-Cola Bottlers Inc., CLS Properties, Water Market, Fag Machine Shop, Park N' Go Bakeshop ug ang Utility Assurance Corp.

Mipaluyo sab si Talisay City Councilor Rodi Cabigas, Atty. Paul Alcazaren, Vestre Eleguin, Romy Rama, Raul Rama, Fredil Tantoy, Tito Mercado, Tito Dimitiman, Pardo barangay councilor Jojo Ibones, Felix Gabiana, Nelly Cabase, Chino Kalinga, Ite Rosal, Ondo Kong, Atty. Flor Yosores ug Power Forty president Tony Navares. – BANAT NEWS

  • Follow Us: