Banat ( Leaderboard Top ), pagematch: 1, sectionmatch: 1

Heartvit mipukan sa art squad

CEBU, Philippines - Mikulit dayon ug daog ang Heartvit quintet human sila mo-iskor ug 83-76 nga kadoagan batok sa undermanned Art squad atol sa pagbukas sa Punta Princesa Ball Club (PPBC) 2009 nga ginanglan ug Vice Mayor Mike Rama Cup kanoadtong Biyernes didto sa Vicente Sotto Memorial Gym sa barangay Punta Princesa, ning dakbayan.

Gikan sa hinay nga pagsugod, kalit lang misikit ang Heartvit, 32-34 atol sa halftime aron papason ang ilang 9-18 nga biya sa first period.

Migamit ug hugot nga depensa ang Heartvit aron makakuka’g abante human sa third period, 57-52 nga gipatuman nilang Charlie Reyes, Rey Jumamil ug Ronald Sanchez.

Padayon silang nagkotrolar sa duwa sa kinatibuk-ang fourth period tungod sa sa pag-igo sa mga tirada nilang ex-SWU Cobra Michael Arias ug sa flashy forward nga si Ronald Zamora kinsa maoy nangu sa opensa pinaagi sa ilang 26 ug 15 puntos.

Mihulga unta pagsikit ang Art sa uwahing bahin sa fourth quarter pinaagi sa paningkamot nilang Keith Arellano ug Rowell Sumalinog apan nahutdan silag oras aron molampos sa ilang dautang laraw.

Sa sayo pa, si Vice Mayor Rama nagpakita sa iyang katakos sa duwang basketball ug nakapsulod kini’g pito ka triples aron mohipos ug 47 puntos aron tabangan ang iyang mga batos sa Cebu City Hall All Star nga makatabla ngadto sa 113-all batok sa PPBC All Star atol sa usa ka friendly match nga maoy naghatag ug bulok sa unang adfalw sa torneyo.

May pito na lanbg unta ka segundos ang nahibling ug modaog na ang PPBC All Star kinsa naghupot ug tres puntos nga labaw, 113-110 apan ang gamitoy nga point guard sa Cebu City Hall All Star nga si Winston Sanchez nakapasulod ug buzzer-beating triple aron tablahon ang duwa ug nahium ang sabaan kaayong bench sa PPBC All-Star kinsa daw sa giugbok nga kandila tungod sa maong hitabo.

Si Sanchez igo lang mi-iskor ug otso puntos apan ang iyang three-point shot aron tablahon ang duwa maoy labing dakong basket niadtong gabhiona.

Ang kanhi UV Lancer nga si Rene Toring mi-abag sa opensa ngadto kang Vice Mayor Rama ug midugang siya ug 36 puntos.

Sila si Jimbo Noel ug hotshot Robert Abasolo, ang kanhi UC Mariner star, parehong mi-iskor ug 16 puntos aron pangulohan ang PPBA All-Star samtang sila si Glen Birao ug Lito Navarro mi-iskor ug 14 ug 13 puntos, matag usa kanila.

Puntos matag usa:

First Game:

All-Star (113)— Rama 47, Toring 36, Abelarde 12, Sanchez 8, Lesmes 6, Reyes 4

PPBC (113)— Noel 16, Abasolo 16, Birao 14, Navarro 13, Tiu 10, alesna 8, Reyes 6, sanchez 6, Ciabo 6, A. Lim 4, Regidor 4, Jumamil 4, Lim 4, Jumawan 2

Second Game:

Heartvit (83)— Arias 26, Zamora 15, Jumamil 10, Sanchez 8, Tagalog 6, B. Reyes 5, Lim 3, reyes 3, Babatid 3, Mosqueda 2, Pasana 2

Art (76)— K. Arellano 24, Sumalinog 11, Soco 10, Villarosa 8, N. Arias 8, R. Arias 7, A. Arellano 4, Libre 2, Vilbar 2. -  BANAT NEWS

  • Follow Us: