Banat ( Leaderboard Top ), pagematch: 1, sectionmatch: 1

Buddies miihaw sa Stallions sa Liga Pilipinas

CEBU, Philippines - Gisugdan sa host Smart-Pampanga Buddies ang pagdepensa sa ilang balwarte pinaagi sa pag-ihaw sa Trace-Laguna Stallions, 79-73 sa pagsugod sa Pampanga leg sa Smart Liga Pilipinas Conference 3 niadtong Miyerkules sa gabii didto sa Holy Angel University Gym sa Angeles City.

Ang Buddies ni coach Allan Gregorio milupig sa pinuntosay batok sa Stallions sa final period nga maoy gihimo nilang hagdanan pagkab-ot sa unang daog ning torneyo nga gipaluyohan sa Smart, Accel, Molten, Calcium-Cee, Gatorade, Air21 ug Burlington.

Si Niño Gelig maoy nangulo sa Buddies pinaagi sa iyang 14 puntos, samtang ang mga higanteng sila si Al Magpayo ug Claiford Arao mitikdol og 11 puntos matag usa. Samtang si Ricky Ricafuerte maoy nangulo sa naparot nga Stallions ni Atty. Erwin Genuino ug coach Nomar Isla nga mikabkab og 22 puntos, gisundan ni Jerwin Gaco nga adunay 15 puntos. - Yoyo R. Abayan (BANAT NEWS)

  • Follow Us: