UTAFA 10K Run himuon sa Dec. 7
Ang UTAFA 10K lahi sa ubang road running events gumikan kay adunay mini-hurdles nga ipangmontar sa matag 2.5 kilometros sa race course.
Gitukod ang maong kalihukan agi’g paghalad ngadto sa giilang “father and mentor” sa track and field sa Sugbu nga si Dr. Danilo Villadolid.
Si Villadolid nagsugod sa iyang athletic career isip bantugang 110M hurdler sa Abellana National School.
Ang makita sa maong kalihukan mapunta ngadto sa educational scholarship niadtong mga kabus apan angayan nga mahimong track and field athletes sa nagkalain-laing tunghaan ug unibersidad dinhi sa Sugbu.
Niadtong interesadong moapil sa lumba, mahimo na nga makaparehistro diha sa Philippine Sports Commission (PSC)-7 office nga nahimutang sa Cebu City Sports Center (CCSC).
Ang entry fee nagkantidad og P150 ug ang deadline sa registration hangtod lamang sa Disyembre 4.
Mga ganting salapi ug tropeyo ang madawat sa top 10 finishers sa men’s ug women’s open category. – BANAT NEWS
- Latest
- Trending
