Banat ( Leaderboard Top ), pagematch: 1, sectionmatch: 1

Babayeng tulisan

Ang naggamit sa cell. no. 0921-2832480 mi-text nako (Sent:10:15:12pm-- June 18, 2008) aron pagpadangat sa iyang sugyot nga kun naay checkpoint nga ipahigayon, mas maayo unta kun apilon og rekisa ang mga babaye.

Gihimo sa atong texter kining maong sugyot kay aduna na kunoy babayeng tulisan karon. Dili na kuno kakompiyansahan ang mga babaye kay aduna nay pipila sa ilang matang nga kursonada nang mohimo’g salaod.

“Ang akong friend gitulis sulod sa multicab, babaye ang nagtulis niya diha sa Bahac, Liloan, Cebu,” asoy pa sa atong texter.

Angay magbantay ang atong kaigsuonan niining babayeng tulisan!

* * *

“Good day, Sir. Trabahante ko sa usa ka company diri sa Mandaue City. Five years na ko nga nag-alagad sa maong company unya supervisor pa gyud ko. Pero ang akong suweldo P210 ra ang adlaw.” -- 0929-5685471 (Sent: 09:12:06pm -- June 18, 2008)

Dangop sa labor ug isang-at ang reklamo nga underpayment of wages ngadto sa labor arbiter.

* * *

Gibalita sa usa ka national daily tabloid nga gipatik didto sa kaulohan nga mikaylap ang peke nga P200 bills didto sa Rizal Province.

Bisan layo ang Rizal Province dinhi sa Sugbu pero angay gihapon tang magbantay. Dili imposibleng makaabot dinhi ang mga mangingilad nga nagpakaylap sa mini nga P200 bills.

Didto sa Rizal, maoy gibiktima sa mga badlongon ang mga negosyante nga namaligya’g load sa cellphone sa Taytay ug Rodriguez, Rizal.

* * *

Dugtong niini, magpatuga-tuga sab ko’g hatag og pahimangno ngadto sa tanang mga negosyante dinhi sa Kabisay-an nga magbantay gayod kanunay. Wala man hinuoy report nga nakasulod dinhi sa ato ang pekeng P200 bills pero mas maayong manguros tang daan sa dili pa maigo sa kilat.

Kini ra bang mga badlongon sa katilingban mopasalir sa ilang tinonto sa bisan asang dapit. Karon nga nabuking ug init na sila didto sa Rizal Province, dili imposible nga molayat sila sa laing dapit aron adto na sab mopakaylap sa pekeng P200 bills.

Busa, magbantay gayod kita kanunay!

(Sumbong ug reklamo? Text sa 0910-8105522)

  • Follow Us: