Banat ( Leaderboard Top ), pagematch: 1, sectionmatch: 1

Tax campaign funds

Sa atong pagsulat niini, wala pay katinuan kon ilahos ba kining maong laraw pagpahamtang og buhis sa mga gasto sa kampanya. Ambut unsaon ni pagpaagi kon mahinayon man.

Aron paglikay sa over spending sa mga kandidato, ang ilang mga campaign materials, ipaagi konohay’g mga donation gikan sa ilang mga friends. Sa radyo’g telebisyon pananglitan, tapus sa commercial, moingon dayon nga: The ad is paid for by the friends of Antolin de la Serna.

Mao usab kini ang atong mabasa sa mga flyer, tarpaulin, mga newspaper ad, ug ubang matang sa propaganda. Karon, kon buhisan ang mga gasto sa kampanya, kinsa man ni nga mga friends ang pahamtangan og buhis?

Sa ato nang giawhag dinhi, kinahanglan i-identify ang tinuod nga identity sa maong mga friends. Kay sagad mahitabo mao nga ipaangkon lang sa mga friends ang mga gasto, aron mahilakip sa gasto sa mga kandidato.

Matag eleksiyon, maghitak gyud ang kwarta. Kon national election, sama sa umaabot nga 2010 election, dili kay mobaha lang ang kwarta, kondili, molunop gyud.

Ingon niini kadaghan ang kwarta panahon sa eleksiyon. Apan, wala kitay nasayran nga dunay nasilotan gumikan sa over spending sa eleksiyon.

Gawas sa kang Sen. Raul Manglapus, diin, gumikan sa iyang pagka-honest, mitug-an siya sa tanan niyang gasto (wala pa mo-uso niadtong panahona ang “friends” nga maoy ipagawas nga moabaga sa galastuan), nahuboan sa iyang pagka-senador.

Lain pa, unsaon man pagbuhis sa income sa mobaligya sa boto? Sayod man ta, nga part sa campaign expenses, mao man ang vote selling ug vote buying. Unsaon man ni pagbuhis?

Alang nako, mas daku’g sala ang mobaligya sa iyang katungod pagpili, kay sa mga prostitute nga mamaligya sa ilang dungog ug unod. Kay sa mga mamaligya sa boto, ilang giluiban ang nasud. Treason ang labas niini. Ug kadto sang mamalit og boto, labaw pang sad-an kay sa namaligya.

Apan, kabahin na kini sa atong kultura. Matud pa, everybody’s doing it. Ug tungod kay gihimo na kini sa tanan, dili na ngil-ad, dili na dautan, dili na supak sa election code.

Unsaon man sad unya pag-determine sa source of funds? Tingalig public funds! Kinahanglan tun-an og maayo kining maong laraw pagpahamtang og buhis sa campaign funds, gamiton pag-gukod sa oposisyon.

  • Follow Us: