Banat ( Leaderboard Top ), pagematch: 1, sectionmatch: 1

Ang Con-Ass bay paglaum sa nagkagidlay nga nasud?

Sa atong nasayran, ang Constitution is the highest law of the land. Sa Constitutional Convention sa tuig 1787, pag-umol sa United States of America, gilangkoban lang kini sa 12 pa ka estado sa New Hampshire, Massachusetts, Connecticut, New York, New Jersey, Pennsylvania, Delaware, Maryland, Virginia, North Carolina, South Carolina, ug Georgia. Ang maong Constitution maoy nagbugkos, ug nag-establish sa form of government sa Amerika, ug migarantiya sa mga rights and liberties sa mga Amerikanhon.

Ang Constitution sa Amerika maoy gihimong modelo sa mga nasud sa nagkalainlaing dapit sa kalibutan nga misagop sa demokrasya, lakip na ang atong nasud. Hinoon, sa wala pa ang ilang Konstitusyon diha na, mi-exist na ang Amerika, sama sa Simbahang Katoliko nga mi-exist na kini, sa wala pa ang Bibliya, kay lagi, matud pa, the Catholic Church is the mother of the Bible. Giingon dinhi nga sa wala pa ang Constitution, the United States was formed under a plan of government called the Articles of Confederation. Panaghugpong sa 12 lang ka estado nga atong ginganlan sa unahan. Gumikan sa ka daghang kahuyang nga ilang nasinati ubos sa maong confederation, ilang gipanday ang Constitution, pinaagi sa usa ka Constitutional Convention (dili pinaagi sa Con-Ass), nga hangtud karon ang maong Constitution mi-exist pa, uban sa pipila ka mga amendments, apan ang main substance niini, ang dugokan, nagpabilin. Pipila sa mga provision nga nasabutan ug mga realities nga ilang nakat-unan mao:

1)That the government belongs to the people.

2)That those who rule should be chosen by those who are ruled over.

3)That the Bill of Rights would definitely be the first order of business of the new government.

4)That there are areas of personal freedom where the government ought not to trespass at all.

5)That there should be separation of powers in the legislative, executive and judicial arms of the government.

Sa ato pa, ang gobiyerno iya sa katawhan. Ug tungod kay ang katawhan mao may tag-iya sa gobiyerno, kita unta to, Dro maoy magbuot. Mao ba kini karon ang atong nasud? Ang lungsod ba maoy master? Ug kining nag-rule kanato karon, tinuod ba gyung gipili sa lungsod, ug dili tinikasan, dili pinalit ang ilang kadaugan? 

Unya, aduna pa bay separation of powers karon sa atong kagamhanan? Kining pag- Cha-cha pinaagi sa Con-Ass, mao ba kini ang gusto sa lungsod? Ug tinuod ba nga igo lang silang misunod sa kabubut-on ug dictation sa Malacañang? Kun tinuod man, dili diay sila motuman sa kabubut-on ug dictation sa lungsod nga kita may nagpili nila ug dili ang Malacañang? Ug di ba ang lungsod mao man say tag-iya sa pork barrel?

Balaan ang Constitution. Sa ubang kanasuran, ila kining panalipdan ug pakamatyan. Let’s not tinker with it tingalig gabaan ta. Kun nagkinahanglan ma'g kausaban, ato kining tun-an og maayo, ug dili dalidalion.

The Constitution of the United States became the symbol of HOPE. Mao ba usab kini dinhi sa atong nasud nga mora ma'g duwaduwaan lang. Buot ba nilang ipatuo nga ang Con-Ass maoy pag-laum sa atong nasud? 

  • Follow Us: