Banat ( Leaderboard Top ), pagematch: 1, sectionmatch: 1

Ang Iran makahimo kuno'g nuclear bomb!

Ngiga nila no? Mao kini ang assessment ni Admiral Mike Mullen, chairman sa Joint Chiefs of Staff sa kasundalohan sa Amerika. Matud pa, ang Iran aduna konoy igong mga fissile ug nuclear material nga makahimog atomic bomb.

Hinuon, gi-deny kini sa Iran (ang-ang og muangkon). Matud ni Hassan Ghasghavi, foreign ministry spokesman sa Iran nga: “All this talk is baseless.” Sa ato pa, Dro, magpili ka kun kinsay imong tuhoan, si Mullen ba o si Hassan.

Ato ning gihisgutan dinhi, tungod kay matinuod man o dili, naghulagway kini sa katakos sa Iran pagmugnag nuclear weapon, bisag ila kining gipanghimakak. Nagpasabot kini nga sila didto mga advance countries na.

Ang International Atomic Energy Agency mibutyag nga ang Tehran, capital sa Iran, “has 1,010 kilograms of low-enriched uranium hexaflouride at a plant in Natanz, which is sufficient for a nuclear weapons breakout capability.”

Susamang sugilanon ang ato usang madungog gikan sa atong mga silingang nasud, sama sa North Korea ug Vietnam. Gawas sa kadaghan sa ilang bugas, mga kotse ug mga modernong kasangkapan, mao nay ilang hisgutan ang sophisticated nga mga makinarya ug kahimanan, mga satellite ug mga rocket ship, samtang kita dinhi, unsa man?

Naglalis ta kun himuon bang legal ang habal-habal o dili ba. Samtang sila didto naglantaw sa dakung kahigayonan nga muabot ra ang panahon nga ang tawo adto na mobakasyon, dili sa Boracay o sa Hongkong, kun dili adto na sa buwan o sa Mars. Unsa man, maghabal-habal ta paingon sa buwan? O mag-multicab? Surplus pa gyud nga multicab.

Mao ni atong gipangutana dinhi nga nag-unsa ra man diay ta the last 50 years or so? Pananglitan, ngano man nga sige man gihapon tag palit og bugas gikan sa ubang kanasuran? Ngano man nga di man ta kamaong mohimo og kotse? Lupig man ta sa Korea ug Japan nga di man ni sila kamaong mo-Iningles?”

Ngano man nga hasta ang toothpick gikan sa China? Ang dagum ug ang mga tanod? Di ta kamaong mohimo ini? Di ka mauwaw ini, Dro?

Akong usbon, nag-unsa ra man diay ta as a nation? Akong hinumdoman sa mga bata pa mi, layo ra kaayo, economically speaking, ang silingan natong mga nasud dinhi sa Asia. Apan karon, layo na kaayo ta nila. Ngano man ni nga pagka-bright unta nato? 

  • Follow Us: