EDITORYAL - Nganong humot pa man gihapon?

Kusog sa mga survey si kanhi Pres. Erap Estrada isip presidentiable. Ikaupat siya sa mga nag-una sa lumba.

Nabiyaan ni Erap kadtong mga gituohan sa mga political analyst nga dunay mas dakong kapasidad o katakus sa pagkupot sa renda sa pangagamhanan sa nasud.

Unsa may naa ni Erap nga moarangkada pa man sa mga survey alang sa mga gipaabot nga mokandidato pagka pangulo?

O ba kaha ang hustong ipangutana: Nganong humot pa man gihapon siya sa mga tawo bisan pa sa mga hinungdan ngano siya nataktak sa katungdanan?

Husto kadtong usa ka langyaw’ng tigpaniid sa atong politika kun pamolitika diin miingon siya nga “You can’t easily fathom the depths of Philippine politics.”

Dili kuno sayon nga tugkaron ang giladmon sa politika sa Pilipinas.