Banat ( Leaderboard Top ), pagematch: 1, sectionmatch: 1

Shabu sa luyo

"Good PM. Diri sa brgy. Luyo, Inabanga, Bohol naay magsige’g pamaligya og shabu. Ang akong bana sige’g gamit. Daghan man ni sila kaayo. Ang grabe gyud kini si Otak nga among silingan." -- 0907-7301684 (Sent: 11:27:58 pm--September 19, 2008)

Akong klarohon nga wala ko mokondenar ni mokompirmar nga tinuod kini. Kinahanglan pa kining sutaon kun unsa kini ka tinuod.

Akong sangpiton ang atensiyon sa mga brgy. opisyal sa Luyo, Inabanga, Bohol sa paghimog pakisusi bahin ning sumbong nga nakaabot diri kanako. Kamo man gyod ang mas nasuheto diha sa maong lugar.

Mas maayo sab unta kun manginlabot ang Inabanga PNP bahin niini. Sila ang proper authorities nga angay mosusi niini.

* * *

"Sa Lower Mohon, Talisay City anha magsuyop ang mga tricycle driver nga drug addicts. Magsuyop sila’g marijuana anha gyod sa ilang gi-parkingan. Wala gyod makabadlong ang mga polis." -- 0909-9738471 (Sent: 08:25:24pm--September 20, 2008.)

Angay ning i-counter check sa kapolisan sa Talisay. Labing maayo nga ila ning subayon aron masuta kinsa ang mga driver og traysikol diha sa Lower Mohon nga giingong naggamit og marijuana.

Aksiyoni!

* * *

"Boss, palihog kog dukol sa driver sa taxi nga may plate no. GWY373. Niadtong September 17 nisakay ko gikan Pier 1 hangtod Mandaue Centro. P180 man ang nabayran. Unya mangayo pag additional P50." -- 0915-9663499 (Sent: 06:53:31am--September 21, 2008)

Mamalihog ta sa tag-iya o operator sa maong taxi sa pagdukol sa iyang driver.

Awhag sab  nako sa texter nga kun gusto kang madisiplina ang maong taxi driver, pasaka’g reklamo sa LTO o sa LTFRB

Ayaw ninyo i-tolerate ang tinonto sa mga taxi driver.

* * *

 (Sumbong ug reklamo? Text sa 0910-8105522).

  • Follow Us: