Resulta sa survey sa sinkholes tukion
CEBU, Philippines - Gipaabot nga moatubang sa konseho sa Siyudad sa Sugbo ang mga tinugyanan sa Mines and Geosciences Bureau aron pagtuki sa resulta sa pakisusi sa 770 ka sinkholes sa urban areas.
Ang konseho nitakda og executive session human si Konsehal Jerry Guardo nipapasar og resolusyon nga naghangyo sa MGB sa pagduso sa inspection report ug mapa sa nahimutangan sa mga sinkholes. Nasayran nga si Konsehal Raymond Garcia ang nihimo og lakang alang sa executive session.
Kahinumduman nga ang MGB nihatag sa ilang inspection result sa 770 ka sinkholes sa Cebu City Disaster Risk Reduction and Management Office.
Ang pangulo sa CCDRRMO, Nagiel Bañacia, maoy nagpahibawo mahitungod sa mga sinkholes nga nitumaw gumikan sa tubig ilawom sa yuta.
Matud ni Bañacia nga mainampingon ang MGB sa pagpahibawo sa resulta tungod kay dili usab nila buot makamugna og kabalaka sa publiko. (BANAT NEWS)
- Latest
