‘Drug trader’ itinumba ng 6 armado

TAYABAS CITY  , Philippines   – Patay ang dating umano’y illegal drug trader matapos na pagbabarilin ng anim na armadong lalaki na pumasok sa kanyang bahay sa Brgy. Ipilan kamakalawa ng gabi. Ang biktima na nagtamo ng mga tama ng bala sa ulo at katawan ay kinilalang si Carlos Zafranco, 49, may asawa ng nasabing lugar. Bandang alas-11:00 ng gabi habang mahimbing na natutulog ang biktima nang dumating ang anim na lalaki sakay ng mga motorsiklo at sinira ang pinto ng bahay ng una at agad na pinaulanan ng mga punglo saka sila mabilis na nagsitakas. Ayon kay PCInsp.Rex Gaoiran, chief of police dito, posibleng may kaugnayan sa droga ang motibo sa krimen dahil ang biktima ay nakulong na noong 2016 at nakalalaya lamang nang mag-piyansa. Tony Sandoval