Mojdeh ibabandera ang PSL tankers sa Thailand meet

MANILA, Philippines -  Anim na Philippine S­wi­m­ming League (PSL) ta­n­kers ang magpapakitang-gilas sa 2017  Thanyapura Swimming Championship na gaganapin sa Abril 1 hanggang 2 sa Thanyapura swimming pool sa Phuket, Thailand.

Pangungunahan ang kampanya ng Pilipinas ni veteran international campaigner Micaela Jasmine Mojdeh ng Immaculate Heart of Mary College-Parañaque na inaasa­hang makikipagtagisan sa mahuhusay na tankers sa kanyang dibisyon.

Sasabak si Mojdeh sa girls’ 9-10 category kung saan pakay nitong sundan ang kanyang impresibong kampanya sa 2017 Japan  Age-Group Swimming Championship na ginanap noong Marso 11 hanggang 12 sa Tokyo.

Sa naturang torneo na­itarak ni Mojdeh ang anim na Philippine national junior records--100m butterfly (1:11.35), 50m butterfly (32.22), 100m breaststroke (1:25.52), 50m breaststroke (39.58), 200m Individual Medley (2:39.6) at 100m Individual Medley (1:14.3).

Lalarga rin sina Diliman Preparatory School standouts Paula Carmela Cusing at Albert Sermonia na siyang Athletes of the Year sa DPS gayundin si multi-titled tanker Lee Grant Cabral.

 Kasama rin sa de­legasyon sina Lowenstein Julian Lazaro at Sofia Beatriz Lopez.

“Medals will be awar­ded to the top three fini­shers. The top three hig­hest pointer swimmers will also be awarded with trophy,” ani PSL President Susan Papa.

Magsisilbing delegation head si PSL National Capital Region (NCR) Regional Director Joan Mojdeh.

Kamakailan ay humakot ang PSL ng 13 ginto, 31 pilak at 11 tansong me­dalya sa Japan Age-Group Swimming Championship.