Mister dedo sa karne ng aso
MANILA, Philippines - Patay ang isang 40-anyos na lalaki matapos makakain ng karne ng aso na may rabies, sa Banga, South Cotabato, kamakalawa.
Sa salaysay ng misis ng biktima na si Rowena, na 17 taon na ang nakakalipas nang makagat ng aso ang kanyang mister na si Joan Jarloc at mahilig ito umanong kumain ng karne ng aso.
Noong nakalipas na linggo, matapos kumain ng karne ng aso ang biktima ay napansin ng misis na nag-umpisa na itong magwala na tila nawalan ng katinuan ang pag-iisip.
Napansin din nito na nanlilisik ang mga mata at takot sa tubig at liwanag kaya agad nila itong dinala sa ospital para magamot at nitong Biyernes ng alas-6:00 ng gabi ay binawian na ito ng buhay.
Ipinaliwanag ni Koronadal City Veterinarian Charlimagne Calo na hindi ibig sabihin na ligtas nang kainin ang karne ng aso kahit na ito ay naluto nang maigi, lalot nakagat na pala umano ng aso ang biktima kung kayat posible na tinamaan na ito ng rabies na dahilan ng pagkamatay nito.
- Latest