Pagkikita nina Kris at Herbert sa Rome hindi pinatos ng fans!

Diego negang-nega sa ginawang paninira sa ama

SEEN: Malulungkot si Kris Aquino kapag narinig nito ang mga panlilibak at kawalan ng interes ng publiko sa balita tungkol sa pagkikita nila sa Rome ni Quezon City Mayor Herbert Bautista. #MatatandaNaParaMagpaCute.

SCENE: Hindi napanindigan ni Diego Loyzaga ang mga paninira nito kay Cesar Montano sa social media dahil binura rin niya ang kanyang mga pahayag. Dati nang nagbibigay si Diego ng problema sa kanyang nanay na si Teresa Loyzaga, hindi lamang kay Cesar.

SEEN: Negatibo ang image ngayon ni Diego Loyzaga dahil sa paglapastangan niya sa kanyang ama na si Cesar Montano. Ikagugulat ng publiko ang malalim na dahilan ng hidwaan nina Diego at Cesar. #FatherKnowsBest.

SCENE: Ang mga speculation na malaki ang kinalaman ng kanyang boyfriend na si Macky Mathay sa pagbabago ng tono ng boses, pananaw at opinyon ni Sunshine Cruz tungkol sa mga kontrobersya na pinagdaraanan ni Cesar Montano.

SEEN: Positive ang mga sagot ni Sunshine Cruz sa presscon ng Wildflower tungkol sa isyu ng kanyang estranged husband at stepson. “Maybe, ‘yun ang pagkakataon para mapansin siya. Maybe, he’s trying his very best to reach out pero hindi siya nadidinig.”

SCENE: Main contravida sa Wildflower si Tirso Cruz III na may dalawang programa sa ABS-CBN dahil napapanood din siya sa A Love To Last.

SEEN: “Parang Miss Universe” ang biro ni Maja Salvador sa kanyang solo na pagrampa sa red carpet ng Wildflower presscon. Seksing-seksi si Maja sa kanyang black gown na may leg slit.