Rider sumalpok sa poste, dedo
LEGAZPI CITY, Albay, Philippines - Basag ang ulo at agad namatay ang 43-anyos na rider makaraang bumangga ang kanyang motorsiklo sa poste ng kuryente sa Purok 4, Brgy. Bariis sa Legazpi City, Albay kahapon ng madaling araw. Kinilala ang biktima na si Ernesto Marigondon ng Castilla, Sorsogon na sinubukan pang isugod sa Bicol Regional Training and Teaching Hospital subalit idineklarang patay. Ayon sa police report, inumaga ang biktima sa pakikipagsayawan kung saan nawalan ng kontrol sa manibela ng motorsiklo kaya hindi nito napansin ang pakurbang highway saka sumalpok sa bakal na poste ng kuryente. Agad namang rumesponde ang mga tauhan ng Public Safety Office ng Legazpi City kung saan dinala sa ospital pero dineklarang patay.
- Latest