San Miguel, Ginebra labing inilog
Ang mga PBA governors pareho og baruganan nga ang duha ka koponan maoy labing lig-on.
Si Meralco Bolts governor Ryan Gregorio nagtuo nga ang Beermen pabilin isip numero unong title contender tungod sa presensya ni JuneMar Fajardo.
Si Fajardo midaog sa ikatulo niyang sunod-sunod nga season MVP award ug gipangandaman gihapon siya sa mga koponan tungod kay siya ang hait nga hinagiban sa Beermen.
Ang San Miguel moduwa dayon sa opener diin sangkaon nila ang nagpalig-on nga Star Hotshots nga bidahan ni Paul Lee nga ilang nakuha human gi-trade si James Yap ngadto sa Rain or Shine Elasto Painters.
Sa laing bahin, ang Ginebra mikuha karon sa respeto sa mga koponan human sa ilang kalampusan sa Governors’ Cup diin nakatilaw sila og kampiyonato sukad niadtong tuig 2008.
Sa pagbalik ni Cebuano Greg Slaughter, ang Ginebra mosamot pa ka delikado tungod kay wala matandog ang line-up niini. (BANAT NEWS)
- Latest