Sa dalang subidahon

Padung ko sa tunghaan ug uwan-uwan kadto sa dihang naabiriya ang multicab nga gimaneho. Wa nako kapugngi nga mosuol ang akong sapot labi na nga naanad ko sa paspas nga lihok ug dili sa hinay ug aginod nga dagan. Kini kay daghan pang mga bulohaton ang nagpaabot alang sa mass wedding ug uban pa. Sa kaulahian akong gipili nga mosakay na lang og motor dayon nang pauli kay sa magpaabot kun kanus-a pa kini modagan. Niabot ang mekaniko ug iyang giilisdan ang ignition coil aron kini maayo. Hinuon nidagan na gyud tawon ang multicab ug nagamit na kini sa lain pang mga schedules. Sa kinabuhi dili ikalimod nga ang atong pagdali mamahimong pakgangon lang sa mga unexpected interruptions ang uban kanila kinahanglanon samtang ang uban walay pulos. Kaniadto maikog kong moputol sa kukabildo nga tungod niini maangin ang uban pang mga kalihokan apan karon dili na. Kay dili sa tanang panahon nga ang kinabuhi ipaagi lang kanunay sa estorya. Mas maayo nga diha sa kahilom molihok ginamit ang imong mga kamot ug hunahuna kay sa magpunay ka og tabi unya ang molibkas sa imong baba dili diay mga pulong kun dili mumblings lamang.