Apela ni Tolentino ibinasura ng SC
MANILA, Philippines – Ibinasura ng Korte Suprema ang petisyong inihain ni senatorial candidate Francis Tolentino na humihiling na ipatigil ang proklamasyon ng mga nanalong Senador na nasa pang-10 hanggang pang-12 puwesto.
Ayon sa Korte Suprema, “moot and academic” na ang kasong inihain ni Tolentino.
Matatandaan na natuloy noong May 19 ang proklamasyon ng National Board of Canvassers na binubuo ng mga miyembro ng Comelec En Banc makaraang mabigo si Tolentino na makakuha ng TRO mula sa Korte Suprema.
Si Tolentino ay nasa pang-13 ng mga tumatakbong senador batay sa official tabulation ng Commelec. Sa kanyang 10 pahinang petisyon, sinabi ni Tolentino na nakompromiso ang resulta ng eleksyon dahil sa pagbabago ng smartmatic sa scrip o hashcode ng transparency server.
Hinimok din ni Tolentino ang Korte Suprema na ipag-utos na ipabukas at isailalim sa forensic audit ang authomated election system para malaman kung naapektuhan ang resulta ng eleksyon matapos galawin ng smartmatic ang script.
- Latest
