1 dedo, 3 sugatang sundalo
MANILA, Philippines - Patay ang isa habang tatlo naman ang sugatang sundalo nang magsawaga ng “harassment attack” ang mga rebeldeng New People’s Army (NPA) sa isang detachment ng military sa Brgy. Mati, Surigao City, dakong alas-12 ng hatinggabi ng Lunes
Ayon kay AFP Spokesman Brig.Gen. Restituto Padilla, ang tropa ng mga sundalo ay idineploy sa nasabing lugar bilang bahagi ng Peace and Develpoment Team na tumutulong sa civic mission o programang pangkaunlaran ng kumonidad.
Base sa report, higit sa sampung armadong rebelde ang nagpaulan ng bala sa nasabing detachment, hatinggabi ng Lunes, na dahilan upang magkasagupaan ang mga sundalo laban sa mga rebelde.
Tumagal ng halos sampung minuto ang palitan ng putok na ikinasawi ng isang sundalo na hindi muna tinukoy ang pagkakakilanlan at ikasugat ng tatlo pang sundalo na ngayon ay nilalalapatan ng lunas sa isang pagamutan sa nasabing lungsod
Sa kasalukuyan, inalerto naman ng AFP ang tropa ng militar na maging mapagmatyag sa lahat ng oras upang hindi mapuntusan ng mga kalaban.
- Latest