DepEd Talisay naglaum nga tabangan ni Eddiegul

CEBU, Philippines - Dako ang pagtuo ni Talisay City Schools Division Superintendent Dr. Leah Noveras nga maprayoridad ang edukasyon sa umaabot nga bag-ong administrasyon.

Kini gumikan si Mayor-Elect Eduardo Gullas usa ka educator ug usa sa mga tag-iya og unibersidad sa Siyudad sa Sugbu.

Matud pa niya nga andam gyud sila nga motabang o buhaton ang unsa man nga ipahimo kanila sa bag-ong administrasyon.

Iyang gipasabot nga ang ilang organisasyon pabilin gyud nga neutral ug mosuporta sila ni  bisan kinsa pa man ang mahimong lider.

Siya nagkanayon nga kung unsa nga suporta nga ilang gihatag sa nilabay nga administrasyon mao ra sab kini ang makita sa bag-ong administrasyon.

“Hopeful lang gyud mi nga matagaan og priority ang education kay mao ni ang makapausab sa kinabuhi sa usa ka tawo,” dugang pa ni Noveras. (BANAT NEWS)