Durant moduwa na ugma
CEBU, Philippines - Gikompirmar sa Golden State Warriors nga ang star forward nilang si Kevin Durant moduwa na og balik uban kanila human nakapalta og unom ka semana gumikan sa injury.
Sa usa ka opisyal nga pamahayag, ang Warriors nagkanayon si Durant nga nakaangkon og bun-og sa iyang bukog ug naangol ang tuhod atol sa ilang duwa batok sa Washington Wizards niadtong Pebrero 28, puwede nang moduwa sa dihang ilang sangkaon ang New Orleans Pelicans karong Sabado sa gabii (Domingo sa buntag oras dinhi sa Pilipinas).
Sa sinugdanan nga wala kanila ang 28-anyos nga si Durant, nagkagidlay ang Warriors diin sila napilde kaupat sa unom ka duwa.
Dali ra hinuon nga nakabawi ang 2015 NBA champions ug gani ang Warriors gikan sa 13 ka sagunson nga daog aron pagselyado sa ilang puwesto isip No. 1 sa Western Conference sa ikatulo nga sunod-sunod nga tuig. (BANAT NEWS)
- Latest