48 ‘pasaway’ na parak sasailalim sa rehab
MANILA, Philippines - Kung may rehabilitasyon sa mga drug addict, isasailalim din sa rehabilitasyon ang mga tiwaling pulis.
Nabatid na sasailalim sa “disciplinary training” ng National Capital Regional Police Office (NCRPO) ang 48 na pasaway na pulis.
Ito ay bilang bahagi ng programa ng NCRPO upang linisin ang hanay ng pulisya kontra katiwalian at alisin ang mga ‘bugok na itlog’ na kasamahan.
Sa ipinalabas na memo-randum ni NCRPO director Oscar Albayalde simula noong Biyernes (Marso 24), ang 48 na pulis ay sasailalim sa 15-araw na “intensive disciplinary training at reorientation program”, na isasagawa sa Camp Bagong Diwa, Bicutan, Taguig City.
Ang mga ito umano ay nahaharap sa mga kasong admi-nistratibo o may mga nagawang paglabag sa kanilang tungkulin.
Sa panahon ng kanilang disciplinary training, ang natu-rang mga pulis ay pawang nasa restricted status.
“The problem on undisciplined and rogue cops has been a long time challenge in the Philippine National Police particularly at the NCRPO”, ani Albayalde.
Sinabi ni Albayalde, na ang pang-aabuso at paggawa aniya ng katiwalian ng ilang pulis ay apektado ang buong organisasyon ng PNP.
Idinagdag pa nito na nakakadismaya aniya ang mga ganitong insidente at tiniyak nito na sa ilalim ng kanyang liderato ay hindi niya papayagan ang mga bugok na itlog sa NCRPO na mamayani at makapag-impluwensiya pa sa mga matitinong pulis.
Sinabi pa ni Albayalde, na pagtutuunan niya ng pansin ang ganitong mga problema para matulungan ang mga pulis na ayusin ang kanilang buhay at turuang maging ma-buting public servant.
Ipinunto nito na marami pa rin aniyang mga mabu-buting pulis sa PNP, kung saan ang disciplinary training aniya ay isang magandang opurtunidad sa mga pulis na hindi naman gaanong tiwali para makapagbago at mas magkaroon ng dedikasyon sa kanilang serbisyo.
- Latest
