Beermen daog gihapon
CEBU, Philippines - Mitagay na sab og laing daog ang San Miguel Beermen aron magpabilin isip bugtong team nga walay pilde sa PBA Commissioner’s Cup.
Ang Beermen miiskor og dominanteng kadaugan pinaagi sa paghubog sa Mahindra Floodbuster, 109-80 kagabii didto sa Cuneta Astrodome.
Ang Beermen miinat sa ilang rekord ngadto sa 4-0 alang sa solong liderato.
Sayong nagpauwan og tres silang Alex Cabagnot ug Marcio Lassiter hinungdan nga milabaw og 24 puntos ang Beermen sa iskor nga 55-31. Misihag ang daog sa Beermen sa katapusang dos minutos sa third period human nila giinat og maayo ang ilang labaw ngadto sa 84-56. Si Cabagnot miiskor og 26 puntos, samtang si Lassiter adunay 20 puntos. Ang Mahindra nga adunay 1-6 record gipangulohan sa ilang import nga si Keith Wright sa iyang 16 puntos. (BANAT NEWS)
- Latest