Ako nalay wala pa kasla…

Happy Sunday mga KaBisChika! Katapusang Domingo sa Pebrero pero napuno kini og mga kasikas sa atong kalibutan sa Showbiz! Mao nga panukad na kay sa atong local showbiz dili kini magpaulahi! Ania na ang mga nag unang Showbiz Balita!

-CHIKITA NAGNILABAD!? ---halos ang tanang miyembro sa LGBT community nakaila ni Chikita bisa’g ma-local o gawas sa nasud sikat kaayo kini ang atong amega!

Tungod sa iyang mga videos nga  pasiaw kauban ang inilang make- up artist Wenwen Zaspa nisikat si Chikita ug tuod man daghang mga oportunidad ang iyang nadawat. In short nakadawat kini og mga gasa gikan sa iyang mga viewers materyal nga butang o kwarta pinaagi sa dakong tabang ni WenWen. Apan, kining bag -o lang naHugyaw og kalit sa dihang nagpagawas si Chikita og video nga nangayo og tabang sa iyang health condition. To the rescue gihapon si Wenwen ug gitabangan si Chikita.

Maayo na unta ang dagan sa iyang pagpatambal apan nakugang ang FB World ug ako personally sa dihang nag-post si Wenwen kabahin kang Chikita nga wala na kini'y labot ug nabasahan pa sa inyong Yur's truly ang usa ka post nga nagnilabad si Chikita! Manghinaut kami nga unta ma okey ang paghinigalaay nilang Chikita ug Wenwen. Apan labaw sa tanan nga maayo si Chikita sa iyang gihambin nga sakit.

RECCA MARIE MENCHAVEZ GIKASAL NA! --- Yes, korek! Ang kanhi host sa OI Show nato ni sa GMA7 Regional TV ug kauban sa inyong Mother Butanding sa maong program nag " Yes I Do " niaging semana sa Chapel of San Pedro Calungsod. Wala nako palabya ang kahigayunan nga mosaksi sa Big Day ni Recca Menchavez-Malabanan! MaHugyaw ko sa akong kaugalingon nga matag dunay mopaso nga bride padung sa altar kay halos mohilak man ko! hahahahaha! Maayo na lang napugngan nako akong emosyon...Wala man gyud ko kaila sa groom nga si Mark Malabanan maong akong giBisChika si Ate Recca sa iyang lovelife.

Nagkita si Recca and Mark wayback 2010, lima na katuig atong panahona sa Shell si Ate Recca ug si Mark kay bag-o sa kumpanya.  " Then we became friends and naging barkada and super close," dugang pa ni Ate Recca. Pag 2013 ang ilang pagkasuod nga higala na-develop into something more than friends  ug pag-2014... Recca and Mark officially became a couple! Malipayon kaayo ang couple tungod kay very supportive ang ilang friends, pareho sila og hilig-- ang mo-travel around the world. Pa’g tuig 2016, si Mark nag proposed kang ate Recca atol sa iyang adlaw natawhan!

Mao nga napili sa couple ang buwan sa February nga magpakasal kay “love month” ug mao pud kini birthday month ni Mark!

Hala noh? Ang akong mga partners sa hosting kay mga nagpakasal na-- gisugdan kini ni Partner Ching, sunod si Anna Maris Igpit ug si Ate Recca. Comment  pa ni Anna sa Instagram post nako ako na ba ang sunod kaslon! Hala noh? Mangita pa ko og meant for me! hahahaha!

CONGRATULATIONS SKIN 911!  --- Onse ka tuig na nga nagpadayong nagpalambo sa tinaguang kagwapa ug ka gwapo sa mga Sugbuanon. Padayung nag-una sa Sugbo sa paghatud og pag-enhance sa tinud-anay'ng kaanyag sa mga Sugbuanon.

Kining tanang nagmamahimong posible tungod sa dakong pagpaningkamot sa tag-iya niini nga si Ms Eleanor Leah Velasco. Tungod alang kaniya, ang matag usa kanato adunay dakong katungod sa pagpagawas sa atong tinaguan nga kaanyag.

Busa kamo sab mga KaBisChika, i like dayun ang ilang Facebook page nga Skin911 Slimming Centre o tawag na sa 346 - 3699 arun masayod mo sa mga nag-unang promo sa maong SkinCare Clinic. #LoveSkin911