NPD nakipagdayalogo sa Muslim community
MANILA, Philippines - Dahil sa magkasunod na pagsabog sa Quipao Maynila na ikinamatay ng dalawa katao at pagkasugat ng anim pa, nakipagdyalogo kahapon ang pamunuan ng Northern Police District (NPD) sa Muslim community at mga religious leaders.
Nasa 20 Muslim leaders mula sa Caloocan, Malabon, Navotas at Valenzuela cities (CAMANAVA) ang dumalo sa pulong na inorganisa ng NPD upang mas maging maganda ang kanilang relasyon at magtulungan sa pagmamantina ng peace and order dito.
Nilinaw ni NPD Director Chief Supt. Roberto Fajardo, ang kanilang pulong ay para sa preemptive measure upang maiwasan ang anumang karahasan tulad ng nangyaring magkasunod na pagsabog sa Quiapo, Maynila.
“We want everyone to have a peaceful life. Ayaw naming sirain ang katahimikan sa inyong lugar kaya magtulungan tayo,” ito ang pahayag ni Fajardo sa Muslim community.
Tiniyak naman ni Fajardo sa Muslim leaders at sa kanilang Imams, na poprotektahan ng hanay ng pulisya ang kanilang komunidad.
Tiniyak rin ng Muslim community sa pulisya, na handa silang tumulong sa kampanya nito kontra kriminalidad at terorismo.
- Latest