Magkasintahan niratrat, patay
MANILA, Philippines - Patay ang magkasin-tahan makaraang pagbabarilin ng hindi nakikila-lang salarin habang ang mga una ay sakay ng kanilang sasakyan sa may Novaliches, Quezon City kamakalawa ng gabi.
Sa ulat ni SPO1 Marvin Masangkay, may hawak ng kaso, nakilala ang mga nasawi na sina Mark Erickson Valdez, 20, ng Remar Ville Subd., Brgy. Bagbag, Novaliches; at kasintahang si Maria Cris Patriarca, 24, ng Kaypadangan Canumay, Valenzuela City.
Ayon sa ulat, nangyari ang insidente dakong alas-6:30 ng gabi sa harap ng Virgo St., Remar Ville Subd. Brgy. Bagbag, Novaliches, QC.
Bago ito, papauwi umano ang dalawa sakay ng isang Kia Rio nang biglang sumulpot ang suspek at pagbabarilin ang mga biktima.
Dead-on-the-spot sa loob ng sasakyan ang dalawa.
Sa pagsisiyasat ng Scene of the Crime Operative (SOCO) sa crime scene narekober ang anim na basyo ng bala at isang tingga, gayundin ang laptop at sasakyan.
Blangko pa ang pulisya sa motibo sa krimen habang nagsasagawa na ng masusing imbestigasyon ukol sa pangyayari.
Samantala, sinasabing kapwa may dating mga asawa ang dalawang nasawi.
- Latest