Peritoneal Dialysis Center tukoron
CEBU, Philippines - Provincial Health Office mopatukod og upat ka Peritoneal Dialysis Center alang sa mga adunay sakit sa kidney.
Ang mga provincial hospital nga tukuran unya sa mga PD Center naglangkub sa Carcar, Danao, Balamban ug Bogo.
"As long as there's fluid inside your body is dialyzing, poisons are being removed", matud pa sa National Kidney and Transplant Institute, Deputy Director nga si Dr. Romina Daguilan.
Gipasabot niini nga mas daku og survival rate sa mga pasyente nga magpa-peritoneal dialysis kaysa mag-hemodialysis.
Dugang ni Dr. Daguilan nga mas barato kini nga treatment mao nga tukoron kini duol sa mga munisipalidad.
Aduna usab unya’y training alang sa mga medical personnel nga ipahigayon mahitungod sa peritoneal dialysis.
Ang peritoneal dialysis usa ka permanent treatment alang sa mga adunay sakit sa kidney nga mahimong himoon sa panimalay nga dili na mogamit og mga makina. Mary Cris Remata (BANAT NEWS)
- Latest