3 bansa sa ME bibisitahin ni Digong
MANILA, Philippines - Tatlong bansa sa Middle East ang nakatakdang bisitahin ni Pangulong Rodrigo Duterte ngayong Holy Week.
Ayon kay Department of Foreign Affairs (DFA) Assistant Secretary Hjayceelyn Quintana, unang bibisitahin ni Pangulong Duterte ang Kingdom of Saudi Arabia (KSA) mula Abril 10-12, kasunod ang Bahrain mula Abril 12-14 at State of Qatar mula Abril 14-16.
Anya, ang state visits ni Pangulong Duterte sa 3 Muslim countries ay lalong magpapatatag sa relasyon ng Pilipinas sa nasabing mga bansa gayundin ang paniniguro na sa proteksyon ng mahigit 1 milyong OFW’s sa KSA, Bahrain at Qatar.
Makakaharap ni Pangulong Duterte si Saudi Arabia’s King Salman bin Abdulaziz Al Saud, Bahrain’s King Hamad bin Isa Al Khalifa, at Qatar’s Emir Sheikh Tamim bin Hamad Al Thani.
Umaabot sa 760,000 ang Filipinos sa Saudi Arabia; 60,000 naman ang OFW’s sa Bahrain at 250,000 sa Qatar.
- Latest
