36 ka mag-uuma sa Toledo nakahuman sa training
CEBU, Philippines - Gikatakdang mogradwar ang 36 ka mag-uuma sa Dakbayan sa Toledo sa Farmer’s Scientist Training Program.
Matud ni Reneleo Mabao, ang city agriculturist, nga 36 ka mag-uuma sa maong batch ang nagsugod sa ilang pagbansay-bansay sa mga bag-ong paagi sa pagpalambo sa ilang panguma sa nakalabay nga Hulyo nga gipahigayon sa Barangay Cabito-onan.
Ang mga mag-uuma gikan sa nagkadaiyang barangay sa Toledo nga mga sakop sa farmers’ association sa siyudad.
Gipasiugdahan ang maong programa sa rehiyonal nga buhatan sa Department of Agriculture.
Human sa graduation karong Abril, lain na sab nga grupo sa mga mag-uuma ang mopailawom og unom ka buwan nga training may labot sa bag-ong pamaagi sa panguma.
Samtang nangandam na ang City Agriculture Office sa nagsugod na nga kainit sa panahon sama sa patubig ug paghatag og insurance sa mga mag-uuma kung maapektuhan ang ilang mga pananum. - /GMR) (BANAT NEWS)
- Latest