Taiwanese timbog sa 1 kilong shabu
MANILA, Philippines - Naaresto ng mga ahente ng PDEA sa isang buy bust operation ang isang Taiwanese national at nakumpiska ang nasa isang kilong shabu na nagkakahalaga ng P6 milyon sa isinagawang buy bust operation kamakalawa sa Malate, Manila.
Ang suspek ay kinilalang si Zhi Quan Wu,79, may-asawa, dating military captain na kabilang sa high value target (HVT) ng ahensiya dahil sa notoryus na operasyon nito sa kalakaran ng iligal na droga.
Nabatid na si Wu ay 10 taon ng nakatira sa Pilipinas na naaresto dakong alas-2:00 ng madaling araw sa kanyang condominium sa Del Pilar St., Malate, Manila makaraang pagbentahan ng aabot ang 1000 gramo ng shabu ang isang PDEA agent na nagpanggap na buyer.
- Latest