Banat Palaro

R-CAF, 3-0 na sa TBA 40’S Invitational Cagefest

January 14, 2017 | 12:00am

CEBU, Philippines - Miagi una sa lawod sa kalisdanan ang R-CAF sa wala pa matugkad sa hingpit ang kutas nga kadaugan batok sa Fighter Wine, 95-92 sa kulbahinam nilang duwa sa Talisay Basketball Association

(TBA) 40’s Invitational Basketball Tournament niadtong Domingo didto sa Talisay Sports Complex, dakbayan sa Talisay.

Sa kasamtangan. ang R-CAF nagpabiling wa’y pilde sud sa tulo ka duwa.

Gipangulohan ni Rene Toring ang kadaugan pinaagi sa iyang 21 puntos, gisundan ni Lito Navarro nga mitimang og 16 puntos ug Tabulong nga mitimbre’g 15 puntos.

Dili sayon ang naangkong kalampusan sa R-CAF kay pirme silang naggukod gikan sa pagsugod ug sa katapusang siyete minutos sa fourth quarter na sila nakalabaw nga nakapabuhi sa ilang dugo.

Nahimong kulbahinam ang duwa sa katapusang tres minutos sa final period dihang nagbanos- banos og labaw sa duha ka kampo.

Misihag ang kadaugan sa R-CAF sa nahabiling 39 segundos dihang labaw sila og singko puntos,

94-89 human makompleto ang 3-point play ni Lito Navarro. Apan kalit sab kining milagom dihang misukli sab og tres si Abe Galinato aron makan-an ang labaw ngadto na lang sa dos puntos sa iskor nga 94-92 sa nahabiling 27 segundos.

Gihatagan unta ang Fighter Wine nga mopuwersa sa duwa ngadto sa overtime human miabante ang R-CAF og tres puntos sa iskor nga 95-92 sa katapusang 12 segundos, apan mikagar ang 3-pointer ni Galinato.

Si Galinato miposa og 18 puntos aron pangulohan ang Fighter Wine nga nagtangkil og 1-2 nga

baraha, samtang si Roger Yap nga gipapahuway lang og kadiyot mitampo og 13 puntos. Silang Joseph Nalos ug Cocoy Astudillo nagkumboya’g 21 puntos sa napildeng Fighter Wine.

Sa mga aksiyon sa Category C, ang team Bucao mikulit sa ilang ikaduhang daog human nila gilubong ang undermanned nga Ginebra, 101-65.

Ang former TBA president nga si Henry Gomez maoy topscorer sa team Bucao pinaagi sa iyang 18 puntos, apil na niini ang upat ka 3-point shots. Miiskor sab og 18 puntos si Romy Ruales.

Sila si Raul Briones, Alfred Pacabis ug Edgar Neñel pareho sab nga mikulit og double digits sa team Bucao nga aduna na’y 2-3 record.

Si Ramil Gonzaga mao sab ang misalida sa Ginebra nga mitikdol og 24 puntos, uban sa suporta ni Tomas Abapo nga adunay 10 puntos.

Bisan pa sa ilang kapildihan, ang 4-1 nga Ginebra segurado nang makaangkon og luna sa semis.

Midaog sab ang TBA-Talisay batok sa BTBC-Tabunok, 88-79.

Si Danny delos Santos miiskor og 17 puntos aron pangulohan ang TBA-Talisay nga maoy midiktar sa tibuok duwa. Sila si Pablo Cabrera, Rickboy Nacario ug Bruce Dacia nagtampohay og 10 puntos sa kadaugan.

Tulo ka players ang miiskor og double figures sa BTBC-Tabunok nga wala pa’y daog sa duha ka

duwa.

Giorganisar ni Atty. Flor Yosores sa abag ni TBA president Randy Gavas, ang liga gipadagan ni TBA commissioner Sammy Atillo.

Puntos matag usa

Unang duwa:

Team bucao (101) – Gomez 18, Ruales 18, Briones 15, Pacabis 13, Neñel 11, Baclay 6,

Aquino 6, Oledan 4, Malaga 4.

Ginebra (65) – Gonzaga 24, Abapo 10, Bacallan 8, Cabigas 6, Daz 6, Deiparine 6, Daan 2.

Ikaduhang duwa:

TBA-Talisay (88) – Delos Santos 17, Cabrera 10, Nacario 10, Dacia 10, Dequit 9, Villanueva 8,

Pepito 6, Base 6, Pogoy 4, Capala 3.

BTBC-Tabunok (79) – Mier 35, I. Cabañero 11, Labitad 10, P. Cabañero 8, Bernaldez 6, Mier 6,