Baron ipapa-ban na!

MANILA, Philippines – Galit si Film Development Council of Philippines (FDCP) Chair Liza Diño na ginawa ni Ba­ron Giesler sa kapwa actor na si Ping Medina. Kaya naman nag-proposed siya sa Film Academy of the Philippines (FAP) na payagan ang FDCP na magkaroon ng grievance committee na mag-iimbestiga ng mga ganitong klase ng mga pambabastos sa mga artista ng mga katrabaho.

“This is not the first time that Baron committed something like this. Alam nating lahat yan. So how could you give one the benefit of the doubt when he has countlessly offended co-actors sa set?

-Harassment against women.

-Minumura ang mga staff at trabahador sa set.

-Umiinom at nagdodroga sa shoot.

-Nakikipagbugbugan.

At ngayon, inihian sa mukha ang co-actor nyang nakatali at walang chance magreact at magpumiglas?

Some people say he’s probably sick, or bipolar or kung anuman. Well then he should get treatment first and get clearance before he can be allowed to work. Marami akong alam na bipolar na maayos magtrabaho at hindi balahura sa kapwa artista.

Baron, You have been getting away with this behavior far too long. That is precisely why I am saying something about this. You were given a free pass, look where it brought you? Wala kang respeto sa sarili mo at sa trabaho mo. Buti sana kung sarili mo lang ang apektado pero Hindi eh. You are endangering the safety and well being of your colleagues. This is where the line is drawn. I will not allow this. Not under my watch.

As head of this film council, I have a responsibility to this industry. And it is to make sure that we can all work safely together ng may respeto sa bawat isa.

You should be sanctioned.

Blacklist? Temporary ban from work? I don’t know. But it’s about time you become answerable to this unacceptable behavior.

Tinatawag mo kong plastic? Kung plastic ako, hindi ako magpopost ng ganito. Magpapakapolitically correct ako at magpepretend na hindi malaking bagay ang ginawa mong PAG-IHI sa mukha ng kapwa artista mo sa eksena. Wag tayong mag-gaguhan. Wake up! Stop fooling yourself and finding excuses. Sa mundo mo lang ikaw ang BIDA. Sa realidad, kailangan ang res­peto at pakikisama para bigyan ka ng respeto.

Just finished my board meeting and I proposed to the Film Academy of the Philippines who is in charge of guilds to allow FDCP to put together a grievance committee who will handle cases like this,” bahagi ng pahayag ni Chair Liza na sa true lang ay pinatutunayang karapat-dapat siya sa posisyong ibinigay ni Pres. Rody Duterte.

Lolita

Isa sa pinakamagaling na aktres namaalam na

Namayapa na pala ang veteran actress na si Lolita Rodriguez. Isa siya sa tinuturing na pinaka-mahusay na aktres ng pelikulang Pilipino.

Kabilang sa hindi niya malilimutang pelikula ang Tinimbang Ka Ngunit Kulang, Tubog sa Ginto, Ina Ka ng Anak Mo at marami pang iba. Siya ay 81 years old na.

Stroke ang sinasabing dahilan ng kamatayan ng magaling na aktres sa kanilang tahanan sa California.

Ang apo niyang si Radha Cuadrado ang nag-confirm ng balita sa pagpanaw ng aktres.