Mag-ina, 1 pa tiklo sa droga
QUEZON, Philippines – Tatlo-katao na sinasabing nasa drug watchlist ang nasakote sa inilatag na buy-bust operation sa Nadres Subdivision, Gate 1 sa Barangay Malabanban Norte sa bayan ng Candelaria, Quezon kamakalawa ng gabi. Nahaharap sa paglabag sa RA 9165 ang mga suspek na sina Aileen Minggol, 41, vendor; Paul Christian Minggol, 18, college student, anak ni Aileen; at si Danny Dalida, 57, mga nakatira sa nasabing lugar. Sa police report na nakarating kay P/Supt. Freddie Dantes, hepe ng Candelaria PNP, isinagawa ang buy-bust laban kay Aileen kung saan naging positibo naman sa droga. Gayunman sa isinagawang body search kina Dalida at Paul Christian ay nasamsam ang 4.78 gramo ng shabu at ilang paraphernalia.
- Latest