Ateneo, UP kampeon sa swimming

MANILA, Philippines - Naibulsa ng Ateneo de Ma­nila University ang ikatlong sunod na kampeonato sa men’s division, habang na­bawi ng University of the Philippines ang korona sa wo­men’s class sa pagta­ta­pos ng UAAP Season 79 swimming competitions ka­hapon sa Rizal Memorial Swimming Pool.

Sumandal ang Blue Eagles sa impresibong pag­langoy ni MVP Aldo Batung­bacal sa pagkolekta ng kabu­uang 603 puntos para dagitin ang ikaapat na korona sa kabuuan.

Nagningning si Batungbacal sa huling araw ng bakbakan nang pagharian nito ang 1,500-meter freestyle (16:42.21) at 200-meter breaststroke (2:22.95) sa pa­mamagitan ng record-breaking performance.

Umariba rin para sa Blue Eagles si dating two-time men’s MVP Jessie La­cuna na umani ng limang individual gold medals at dalawang relay golds at si Axel Ngui na na­mayagpag naman sa 50-meter freestyle.

Pumangalawa ang De La Salle University na may 340 puntos kasunod ang UP (194).

Bigo ang Ateneo na ma­walis ang seniors division ma­tapos agawin ng UP ang titulo.