Akyat-bahay dedo sa shootout
TUGUEGARAO CITY, Cagayan, Philippines – Napatay ang 28-anyos na akyat-bahay na sinasabing nanloob sa limang bahay sa isang subdivision matapos itong makipagbarilan sa mga tauhan ng PNP-Special Weapons and Tactics (SWAT) sa Barangay Cabaruan, Cauayan City sa Isabela kamakalawa ng madaling araw.
Dalawang tama ng bala sa katawan ang tumapos sa buhay ni Rosendo Leal ng Barangay Minallo sa bayan ng Naguilian.?
Sa police report na nakarating kay P/Supt. Engelbert Soriano, hepe ng Cauayan City PNP, lumilitaw na naglalakad si Leal sa loob ng subdivision na may bitbit na malaking bag nang pahintuin ng mga awtoridad para sitahin.?
Gayunman, hindi nagpasita si Leal sa halip ay nakipagbarilan ito at napatay.
Narekober kay Leal ang P80,000 cash, mga cellphones, laptop na sinasabing nakulimbat nito sa limang bahay at ang cal. 38 revolver na ginamit sa shootout.
- Latest
