Marketlife ipatatawag ng konseho
The Maserati Ghibli is powered by a 3.0L twin-turbo petrol V6.
MANILA, Philippines - Ipatatawag ng Committee on Markets sa pangungu- na ng chairman nito na si 6th District Councilor Joel Par ang Marketlife Management and Leasing Corp. upang magbigay linaw sa mataas na singil sa Quinta Market.
Ayon kay Par, sisiyasatin nila ang reklamo ng mga stallholders hinggil sa mataas na singil sa kanilang puwesto bagama’t may kautusan si Manila Mayor Joseph Estrada na wala munang singilan o moratorium sa mga stall holders.
Nabatid na umalma na ang mga stall owners ng Quinta Market sa hanggang 646.67 percent na pagtaas sa singil ng developer ng palengke na Marketlife sa bawat stall.
Ayon kay Arnaldo Chico, chairman ng Quinta Public Market Development Cooperative, sa revenue code ng Maynila ang P14 hanggang P15 lamang ang singil kada per square meter ng stall
Pero sa rate na ipinalabas ng developer na Marketlife ang kada per square meter ng stall sa vegetable section ay magiging P60 sa dry goods ay P80 sa mga cooked foods ay P90 at sa fish, pork, beef at chicken section ay P100. Hindi pa kasama dito ang 12 % evat na ipapataw samantalang sa revenue code ay wala namang E-vat.
Lumalabas na nasa 380 hanggang 646.67 percent ang itinaas sa singil sa bawat square meter ng stall depen-de kung saan section nabibilang.
- Latest
